وەلائیەکانی ئیران ئەو هەڵایەتان لە چیە ؟!
سەردانکردنی سەرۆک کۆماری تورکیا کە دەوڵەتێکی ناوچەیی بەهێزە بۆ عیراق و هەرێمی کوردستان وەك سەردانی هەر سەرۆك و سەرۆك وەزیرانێکی تری دەوڵەتانە چ شتێکی ناموی تێدایە ، کاتێك سەرۆکی دەوڵەتێك دەچێتە دەوڵەتێکی تر لە روی پرۆتوکۆڵیەوە ئامادە کاری دەکرێت و شەقام و هەندێك شوێنی گشتی بەئاڵای ئەو وڵاتە دەڕازێنرێتەوە وەك ڕێزو ئوسڵی پێشوازی و میوانداری ، ئیتر ئەم هەڵا ئعلامیەتان لە چیە لە کاتێكدا خۆتان و دارو دەستەکانتان بە پێ خاوسی رادەکەن بۆ بەر قاچی خزمەتکارەکانی ئێران لە بەغداد بۆ ئەوەی هەرێمی کوردستان بەرەو لە ناچون ببەن ،
جەماعەتی وەلائیەکان ئێوە لەخەمی كوردبون و قەڵای هەولێر و ئەو شتانەدا نین چونكە مێژوەكەتان ئەوەی سەلماندوە ، ئەوەی دڵی ئێوەی تەقاندوە پێگەو هێزی پارتی و حكومەتەكەی پارتیە كە وایكردوە سەرۆك كۆماری ولاتێكی بەهێزی وەك توركیا و لەهەمان كاتدا ولاتێك كە بەدرێژایی مێژوی دامەزراندنی دژایەتی كوردی كردوە ناچار بێت حسابی بۆبكات و بێت لەپایتەختەكەیدا لەگەڵ بەرپرسە خەمخۆرەكانی كورد و هەرێمدا كۆببێتەوە ، دڵنیاش بن ئەم كۆبونەوەیە ئەگەر لەسەدا بیست لەخزمەتی توركیادا بێت لەسەدا هەشتا لەخزمەتی هەرێمی كوردستاندایە ، دڵنیاش بن پارتی وەك ئێوەو مانان هیچ كوردێك و هیچ هێزێكی ئوپوزیسیۆن نافرۆشێت ئەگەر نەیاری خۆیشی بن ، لێدوانەكەی چەند ڕۆژی ڕابردوی وەزیری ناوخۆ كە ئەندامی سەركردایەتی پارتیە شاهێدی ئەوەیە كە پارتی هیچ هێزێكی كوردی پارچەكانی دیكە بە تیرۆریست ناناسێنێت ...
پارتی ئەردۆگانی هێنایە هەولێر ، ئێوەش ئەگەر حسابێكتان بۆ ئەكرێت لەلایەن ئاغاكەی ئەو دیوتانەوە فەرمون سەرۆك كۆماری ئێران بێنن بۆ سلێمانی و تەواوی شەقامەكانی شار و تەنانەت چیای گۆێژەش بكەنە ئاڵای ئێران بەڵێن بێت ئێمە هیچ نەڵێین بەڵام بەو مەرجەی دیموكرات و كۆمەڵە وەك مەڕی قوربانی نەخەنە سەرمێزی گفتوگۆكەتان ...
نووسینی: چرا شەماڵ
وەڵام بدەوه