گەنج و لاوانی هەر وڵاتێک سەرمایەی لە بن نەهاتووی دواڕۆژی نیشتیمانن. پەروەردەی لاوو گەنجانی وڵات زامنی دروست کردنی نەوەیەکی تەندروست و خاوەن روئیاو ماف و ئەرک دونیابینیێکە ئەشێ ئاییندەیەکی گەشی لەسەر بونیاد بنرێ و جڤاک لە قۆناغێکەوە بۆ قۆناغێکی تری باشتر و ئاییندەدارتر بگوازنەوە.
گرینگیدان بە کەرتی پەروەردەو دامەزراوە پەروەردەییەکان و کارکردن بۆ دروست کردنی تاکێکی هۆشیار و وریا لە هەر شوێنێکی ئەم جیهانە، بەڵگەی بەهێزی زیندووێتی ئەو نەتەوەیە.
لاووگەنجان هێزێک و پۆتانسیێلێکی لە بن نەهاتوو و پرۆژەیەکی سەرمایەگوزارین بۆ داهاتووی پڕشنگداری هەر نیشتیمانێک.
ئەم توێژە لە چەشنی دینامیکیەتێکی شاراوەی ناو هەناوی کۆمەڵگا، بەو خەون و خەیاڵ و خواست و ئارەزووانەی پێی دەناسرێنەوە سەرمایەیەکی لە بن نەهاتوو و زیندوون.
ئەگەر لاوان و گەنجان لە لایەن حکومەت و دامەزراوە فەرمیە پەروەردەیی و زانستی و ئەکادێمیەکانەوە گرینگیان پێ بدرێت و بخرێنە سەر رێچکەو ئاراستەیەکی دروستی پەروەردەیەکی نیشتیمانی و ئامانجدارەوە، دەتوانن ئەرکو بەرپرسیارەتی قۆناغەکانی گەشەو پێشکەوتنی کۆمەڵگا بگرنە ئەستۆو وڵات لە قۆناغی پاشاگەردانیەوە بۆ قۆناغی گەشەو پەرەسەندنە ئابوری و خۆشگوزەرانیەکانەوە بگوازنەوە.
وەڵام بدەوه