کرۆکی زانستی رۆژنامەنووسی گەیاندنی پەیام و گواستنەوەی رووداوەکانی ناو هەناوی واقعە وەک خۆی، نەک نوێنەرایەتی کردنی چینوتوێژ یا ئایدیۆلۆژیایەکی دیاریکراو.
بە پێی زانست و مەعریفەی رۆژنامەگەری ئەکادێمیەوە ئەرکی رۆژنامەنووس لە رێگەی نووسینی راپۆرت و گەیاندنی هەواڵ و گواستنەوەی رووداوەکانی رۆژانەی کۆمەڵگاوە بە پلەی سەرەکی دروست کردنی دیدگاو دونیابینی تازەو خۆپاراستنە لە تەسکبینی و خولانەوە بە دەور یەک ئایدیا و ئایدیۆلۆژیاو دونیابینیەوە.
ئەرکی رۆژنامەس ئەوەنیە شرۆڤە بۆ رووداوەکان بکات و بیروبۆچوونە تایبەتیەکانی ئاوێتەی شرۆڤەو ڕاڤەکاریەکانەوە بکات و وەک فاکت و حەقیقەتی رەها بە کۆمەڵگای بفرۆشێتەوە.
بە دیوێکی تردا شرۆڤەی رووداوو راڤەی بویەرەکانی ناو هەناوی کۆمەڵگا ئەرکی شارەزایان و سیاسەتمەداران و چاودێرانی کۆمەڵگایە نەک نووسەرو رۆژنامەنووس.
بەداخەوە پرسی رۆژنامەگەری و رۆژنامەنووسی و نووسەری لە هەرێمی کوردستان بە جۆرێک دووچاری قەیران بووە، رۆژنامەنووسان لەیەک کاتدا هەم نوێنەری جڤاکن، هەم شرۆڤەکارن و هەم رەخنەگرو چالاکوان و نوێنەری ئایدیۆلۆژیان.
وەڵام بدەوه