بەدرێژایی مێژوو داگیرکارانی کوردستان ھەوڵی ناشرینکردنی مێژووی کوردیان داوە

سەدەیەكە داگیركەر و ئیمپراتووريیەكانی فارس،عەرب و تورك پیلانگێری،كارەسات نەما ئەنجامی نەدەدەن بۆ شێواندن و ناشرینكردنی مێژوو و  ڕیشەكێشكردنی مۆركی نەتەوەیی كورد كوردستان، بەڵام ئەوا شۆڕش و راپەرٍینەكانی كورد و سەركردە خۆراگر و بڵیمەتەكان بوون رێگەیان نەدا مەشخەڵی خەبات و تێكۆشانمان بكوژێتەوە و  خەونی نەزۆكی دوژمنان ئازادی و سەربەستی و ئیرادەی كورد بێتەدی
هەلًوەستەكردنی سەرۆك و رابەری كوردستان هێژا بارزانی بە میًژوویی خەبات و تێكۆشانی باشووری كوردستان بەرامبەر رژێمە ستەمكارەكانی رابردوو و ئێستای عێراق و  نەگۆرینی زێهنیەتی شەرٍانگێز و بەدفەرانەیان بەرامبەر بە دۆزی كورد و مافەرەواكانی و بەتایبەت هەوڵدانیان بۆ شكاندنی شكۆ و ئیرادەی نەتەوەییمان و بەتایبەت لەماوەی 19 ساڵی رابردوویی بەغدا بەرامبەر بە گەلی كورد و قەوارەكەی كە ئومێدی نەتەوەیەكەكە و پەناگەی ئازادیخوازان و هەزاران ئاوارە و شوێنی پێكەوە ژیانی ئاشتیانەی هەموو پێكهاتەكانە ..
گوشارەكانی عێراق لە دەرەوەی سنوورەكان كە مەبەستم ڕژێمی ئێرانە لە رێگەی سەپاندنی ئەجێندا و ویستەكانی لە رٍێگەی گروپ و لایەنە شیعەكانی سەر بە ئەوان  و پێشێڵكردنی هەموو بنەما یاسایی ،دیموكراسی و دەستوورییەكان و فیدراڵی و هەموو پرەنسیبەكان هاوبەشی، یەكتر قبووڵكردن و سازان و وهاوبەشی بە ئاڕاستەی دیكتاتۆری و قەیرانی قوڵتر و ئاڵۆزی و بەتایبەت كە ناوچەكە و جیهان بە كۆمەڵێك كێشە و گرفتدا گوزەر دەكەن ئاماژەیەكی روون و بە زێهنیەتی داگیركاری تاڵانكاری و دەسەڵاتدارانی  عێراق بەرامبەر بە كورد و كوردستان .
بە تایبەت كە مێژوو گەواهیدەر كە هەمیشە گەلی كورد بە هۆی پێداگری و ڕژدبوون لە خەبات و تێكۆشان بۆ بەدەسهێنانەوەی مافەرەواكانی و خۆرادەست نەكردنی لە ژێر هەڕەشە و پەڵاماردانی شۆڤێنزمی " فارس ، عەرەب و تورك " لە ناوچەكەدا و لە سەر خاكی باب و پاپیرانی خۆی ، بەتایبەت كە ئێمە لە سەدەیەك دا دەژین كە جیهان لافی دیموكراسی و مافی گەلان لێدەدات و لەلایەكی تریشەوە داگیركەران و رژێمەكانی ناوچەكە بە هەموو جۆرە چەك  و مووشەك و ئامرازێك لە هەوڵی شێواندنی شوناس و مێژوو و  شكاندنی ئیرادەی كورد وكوردستانن ، بۆیە، ئیتر كاتی ئەوە هاتووە  نەتەوەیەكی 50 ملیۆنی وەك كورد چیتر فڕیوویی چەواشەكاری و پڕوپاگەندەی دوژمنان و داگیركەرانی نەخوات و چیتر بە دەستی خۆی لە ژێر دەستی داگیركەر نەمێنێتەوە ، وەك چۆن سەرۆك بارزانی ئاماژەیەكی روون وئاشكرایی بەو راستییەدا و فەرموویان :"خۆیشمان زۆر ستەممان لە خۆمان كردووە. ئێمە تووشی چەندین بێ بەڵێنی و بێ وەفایی بووین لە بەرامبەر خۆمان، خۆشباوەڕ بووین، بە دوو قسەی خۆش باوەڕمان بە هەموو شتێك كردووە. سەرەڕای ئەو ھەموو زوڵم و زۆرییەی لە خەڵكی كوردستان دەكرێ، لە بەرامبەردا كورد دەستی بۆ شەڕ نەبردووە، ھەموو كاتێك كورد لەگەڵ گفتوگۆ و لێك تێگەیشتن بووە، وەك سەرۆك بـارزانـی فەرمووی: لە شەڕ خەراپتر تەسلیم بوونەوەیە، بۆیە ،تا رێبازی بارزانی كە مەشخەڵی بەرخودان و قوربانیدانە بە رامبەر دوژمنان و داگیركەران  هەرگیز بە دروستكردنی  بەقەیران و گەمارۆدان  نە بەشەڕ پێ فرۆشتن ئیرادەی خۆی تەسلیم بە نەیارانی نەكردووە و بەرامبەر بە دوژمنان و ناحەزانی  هیچكاتێك  خۆی نەچەماندوەتەوە و تەسلیم بەھیچ ئیرادەیەكی دیكتاتۆری و داگیركەرانی سەردەم نەكردووە و ناكات و ئاسۆكانیش روون و ئاشكران بەرەو سەركەوتن بەرەو ئامانجە گەورەكە.