ساڵانێکە هەندێ هێزی شاراوەو هەژمونگەرای کۆمەڵگەی کوردی بە گشتی و کۆمەڵێک لایەن و دەستەو تاقمی بەکرێگیراوی سەربەم دەوڵەت و فیسارە وڵات کەوتوونەتە کەوڵی شوناسی کورد بوون و چەواشەکردنی تاکی کوردەوە.
ئەم هێزە شاراوانە بە سود وەرگرتن لە کەشی ئازادی و دیموکراسیەوە بە شێوەیەکی سیستەماتیک و بەرنامەبۆ داڕێژراوو بەکرێ گرتنی چەندین قەڵەم و نووسەری بە ناو ئازادو سەربەخۆ کەوتوونەتە بن کۆڵ کردنی سەرلەبەری جوانیەکانی کۆمەڵگای کوردیەوە.
ئەمان بە گومان خستنە سەر رەوایەتی کوردبوون و خاوەندارێتی کوردستان و سەروەریە نیشتیمانی و نەتەوەییەکانیەوە بە شێوەیەکی بەرفراوان لە تۆڕە کۆمەڵایەتیەکان سەرقاڵی دروست کردنی شک و گومان و دوودڵین بۆ تاکی کورد.
بەجۆرێک هێمای پرسیاریان خستۆتە سەر شوناسی کوردبوون و سەرلەبەری ماهیەتی ئەو بەشە ئازادەی کوردستان و شەوورۆژ خەریکی دنەدانی هاوڵاتیانن بۆ بەگژداچوونەوەی حکومەتی هەرێم و لەکەدارکردنی دامودەزگاکان و نەهێشتنی هەست و ئینتیمای نەتەوایەتیەوە.
بۆیە تاکی کورد دەبێ زۆر لەوە هۆشیارترو داناتر بێ بەم پروپاگندە ژەهراوی و هەڵمەتە نانەتەوەییانە لە خشتە ببرێت و بکەوێتە ژێر کاریگەری ئەم هەڵمەتە دیجیتاڵیە فرە رەهەندە بێ ویژدان و دوژمنکارانیەوە.
شوناسی کوردبوون و ئینتیمای نیشتیمانی دووانەیەکی ئاوێتەبووی ناو بۆتەی سایکۆلۆژیای کەسایەتی کوردن و هیچ هێزو تاقمێکی بەکرێگیراو ناتوانێ لەکەدارو بێ نرخ و کرچ و کاڵی کاتەوە
وەڵام بدەوه