حکومرانانی بەغدا سەرەڕای ئەوەی لە بارودوخێکی ناهەمواردان ، بەڵام لە پێشێلکردنی مافە رەواکانمان یەک هەڵوێستن

تەعریب لە لوتکەدایە ، بێرێزی بەرامبەر کوردوستانیانی نیشتیمانپەروەری ناوچە کانی دەرەوەی ئیدارەی هەرێم بەردەوامە ، خوێندنی کوردی لەو ناوچانەدا لەسەرمەرگدایە ، وەزارەتی (نەوتی عیراقی) پەنجەشێری گەندەڵی لە ململانێی نادەستوری خۆیدا نەوەستاوە ، بەڵام بە داخەوە هەندێ کەس و گروپی پوپولیستی هەڵتوقیو  و سایت و سەتەڵایتی بەکرێ گیراو ، زور بێ شەرمانە پروپاگندەی ژەهراوی دژی  خەڵک و حکومەتی هەرێمی کوردوستان پەخش دەکەن و پشتیوانی نەیارانمان دەکەن ،   هێزە تائیفییەکان و  ڕاگەیاندنی  بەکرێگیراوی زمان کورد ی  ناوخۆ  زیاتر  پەرە  بە پیلانگیرییەکانیان دەدەن  ، کاتێک ؛  ژیان و گوزەرانی خەلک رووەو باشی بێت ، ئەمن و ئاسایش بەرقەراربێت ،  ئاستی خزمەتگوزارییە بنەرەتییەکان فراوانتر بێت ، هێزە نیشتیمانییەکان بەرەو یەکریزی هەنگاو بنێن  ، بۆیە پێویستە لەم ڕاستییە تێبگەین و   جیاوازیی و خواستە حزبییەکانمان وەلا بنێین و یەکددەست و یەک هەڵوێست بین ،  دەرفەت نەدەین بتوانن  برەو بە پیلانەکانیان بدەن ،  پێکەوە پشت و پەنای حکومەتی هەرێمی کوردوستان بین و بەرگری لە دەستکەوتەکانی گەلەکەمان بکەین  لە هەمو ئاستەکاندا .