وەک بکەری بەدکردار هەر ڕۆژەو ملی کردارێکی چەوت دەگرێتە بەر و کاولکاری و دووبەرەکی بەرهەم دەهێنێ.
ملی رێگای ھەڵەی گرتۆتەبەر و نەمبینی بۆ تاکە جارێکیش بەخۆیدا بچێتەوە...یا زمانم ڵاڵ داوای لێبوردن لە حەشاماتی داماوو نەتەوەیەکی سەرگەردان بکات.
کەرەسەی بیانووھێنانەوەو پینەوپەڕۆو شەلم کوێرم، وەک کەرەسەی دۆڵمەی پێچراو ھەمیشە لای ئەو ئامادەیەو دەلاقەیەکە بۆ خۆ دەربازکردن لەو دۆخ و تەنگژانەی دروستیان دەکات...لەھەمووشی کارەساتبارتر ئەوەندە تەسکبین و دەمارگیرە، قسەو ئامۆژگاری ھیچ کەسێکی بەلاوە گرینگ نیە.
ڕۆژێک بە ناوی خەباتی نەژادی و ئۆپۆزیسیۆن، ڕۆژێک لە ژێر دەمامکی خەمخۆری هەمووان و سەردەمێکیش بە بیانوی دروست کردنی دەوڵەتی کوردی و خەباتی نیشتیمانیەوە باکوری کوردستانی وێران کرد و سەدان رۆڵەی خێر لە خۆ نەدیوی بە کوشت داو هەزارانیشی لێ خستنە بەندیخانەکانی ئەو جەلادەی خۆی لەوان باشتر نیە.
هیچ بزوتنەوەیەکی چەکداری بە قەد پەکەکە بە درێژای ساڵانی تەمەنیەوە دژی درووشمە گەورەو باقوبریقەدارەکانی نەجوڵاوەتەوەو لە پەیامە نەتەوەیی و نەژادیەکانی هەڵنەگەڕاوەتەوەو پاشەکشەی نەکردووە و نیشتیمانی وێران نەکردووەو نەبۆتە سەرئێشەو بارگرانی بەسەر شانی کوردەوە.
وەڵام بدەوه