پرسی ژینگە و روانگەو فکری ژینگەپارێزی هاوکێشەیەکی دوو سەرەیە. هیچ دەسەڵات و حکومەتێک بە تەنیا توانای پاراستنی ژینگەی نیە ئەگەر هاوڵاتیان هاوکارو یارمەتیدەری نەبن.
پاراستنی ژینگە ئەرکوبەرپرسیارەتیەکی گەورەی نیشتیمانی و فرە رەهەندە و فرە سیمایە، نەک بەرپرسیارەتی حکومەت بە تەنیا.
گەر هاونیشتیمانیان لە پاک راگرتنی ژینگەی شەقام و ناوەندی شارو رێگاوبان و دەشتو دەرو شوێنە گەشتیاریەکان بە ئەرک و بەرپرسیارەتی خۆیان بۆ پاراستنی هەڵنەستن و کەمتەر خەم بن، نەک حکومەتێک و دووان، بەڵکو پێشکەوتووترین حکومەت و شارەوانی و دەزگاو دەستەی ژینگەپارێزیش توانای پاک راگرتنی ژینگەیەکی لەمجۆرەی نابێت.
کۆبوونەوەی خۆڵ و خاشاک لە شەقامەکانی شارو و کۆڵان و ژینگەی دەرەوەی شار و لە پاڵ ئەمیشدا پەرەسەندنی نەریتی حەزی خاوەندارێتی (ئوتومبێل) و کەمتەرخەمی نواندن لە جێ بەجێ کردنی ئەرکوبەرپرسیارەتیەکان و بەتەنگەوە نەبوونی ژینگە لە لایەن هاوڵاتیانەوە، دوای ماوەیەکی کەم کۆمەڵگە رووبەرووی چەندین ئاڵنگاری ژینگەیی و تەندروستی گشتی و پیس بوونی ئاووهەوا دەکاتەوە.
لە دۆخێکی لەمجۆرەدا بڵاوبوونەوەی دەیان نەخۆشی و پەتای درێژخایەن لە کۆمەڵگادا، زەمینەیەکی لەبار بۆ تێکچوون و داڕمانی کەرتی تەندروستیش دەرەخسێنێ و حکومەت و دەسەڵاتی ئیداریش رووبەرووی دەیان کێشەو گرفتی چارەسەرنەکراو دەکاتەوە.
وەڵام بدەوه