كەركووكییەكان حەزت لێیە باخچەلی پێت پێبكەنێت؟
دڵنیام ئەگەر كورد لە كەركووكدا 50+1 بەدەست نەهێنێت، دەوڵەت باخچەلی، سەرۆكی مەهەپە، كە دوژمنی سەرسەختی كوردە، دێتە سەر تەلەڤزیۆن و دەڵێت ”نەمگوت كەركووك شارێكی كوردستانی نییە و توركمانییە و عەرەبیشی تێدا دەژیت“
كەركووكییە بەشەڕەفەكان، دەنگدانت واتە رەتكردنەوەی نەژادپەرستی، واتە بەرگریكردنت لە خاك و ناسنامەكەت.
شێخ سەعیدی پیران بەر لەوەی لە سێدارەی بدەن گوتی: ”ترسم نییە، چونكە دەزانم كۆتاییەكانی ژیانمە و لەسێدارەم دەدەن و بۆ ئەوان سەڕ شۆڕ ناكەم، بەڵام ترسم لەوەیە دوای مردنی من میللەتەكەم شەرمەزارم بكات“
تۆش بڕۆ دەنگ بدە و شێخ سەعید شەرمەزار مەكە، بەو دەنگەت بەباخچەلی و توركە نەژادپەرستەكان بڵێ، بەشەڕ نا بە دەنگم دەیسەلمێنم كەركووك كوردستانییە.
كاتی خۆی، جەمال گورسەل، سەركۆماری پێشووی توركیا، كە بەڕەگەز كوردە چووە ئامەد و لەوێ گوتی“ئەگەر كەسێكتان بینی گوتی كوردم، تفێك بكەنە نێوچاوانی و بڵێن لەم وڵاتەدا تەنیا تورك بوونی هەیە“
بۆ وەڵامی ئەو زۆڵە كوردە، تۆش بچۆ سەر سندوقی دەنگدان و بەو كەسانە بڵێ كە وەكوو گورسەل بیر دەكەنەوە ”سەلماندنمان كەركووك شارێكی كوردستانییە و ئەوەیش پێی وایە كوردستانی نییە، تفی بەڕوودا ناكەین، ئێمە نەتەوەیەكی مەدەنین، بەڵكوو دەنگی راستەقینەمان بەنێوچاوانیدا دەدەین
کارزان گلی
وەڵام بدەوه