رووداوی ئاگرکەوتنەوەی سۆران و رووداوە دڵتەزێنەکانی تریش دەبێ ببن بە بناغەی دیراسەکردنێکی مەیدانی سەرلەبەری پرۆژەکانی بیناسازی لە هەرێمدا.
پێداچوونەوە بە پرۆژەکانی دروست کردنی بینایە و بیناسازی و ئاپارتمان و دەرکردنی رێنمایی و وردبینی کردن و بەدواداچوونی جدی لە لایەن لایەنە پەیوەندیدارەکانەوە رەنگە زامنی کەم کردنەوەی قەبارەی زەرەروزیانی کارەساتەکان بکات.
رەنگە نەکرێت رێ لە دووبارە بوونەوەی کارەساتی ئاگرکەوتنەوە بکرێت، لێ دەکرێ بەرلە دروست کردنی بینایەو دەست پێکردنی هەر پرۆژەیەکی بیناسازیەوە لایەنە پەیوەندیدارە حکومیەکان زامنی جێ بەجێ کردنی شەرتومەرج و رێنماییەکان بکەن و لە نزیکەوە چاودێری بخەنە سەر پرۆژەکانەوە.
لەپاڵ ئەمەشدا پێویستە بەڵێندەران هەموو هەوڵێکیان بخەنەگەڕ بۆ جێ بەجێ کردنی رێنماییەکان و لەم رووەوە کەمتەرخەمی نەکەن. روودانی هەر کارەساتێکی لەمجۆرەی ئەمدواییەی سۆران لە خۆیدا زەرەرو زیانی مادی و گیانی زۆری لێدەکەوێتەوەو دەبێ رێ لە روودانیان بگیرێ و لە کاتی روودانیشیاندا ئاستی زیانەکان کەمتر بکرێتەوەو بەرپرسیارەتیەکان دیاری بکرێت.
وەڵام بدەوه