هەندێ لەوانەی خۆیان پێ پاڵەوانی بێ ناوو نیشانی رووبەری تۆڕە کۆمەڵایەتیەکانە، زمان و دەمیان لە هیچ بێ ڕێزی و سوکایەتی کردنێک بەویتر و بەوانیتر ناپارێزن.
جێگەی سەرسوڕمانە کۆمەڵە کەسانێکی دارووخاوو بەدموراڵ و دەم پیس وەک گورگی هار لە پێناو چەند لایکێک و بەرزکردنەوەی ئەکتیڤی ئەکاونتە ژەهراویەکانیان، بەربوونەتە گیانی تەکنۆلۆژیاو شەلەم کوێرم دەست لە کەس ناپارێزن.
تەکنۆلۆجیا بەرهەمی فکرو هەوڵدان و تێکۆشان و شەونخونی کەسانێکە، تا سەر ئێسقان پابەندی مۆراڵ و بەرپرسیارەتین و جێگەی داخە خەڵکانی بێ فکرو بێ مەعریفەو شکاوو نەفس نزم بەمجۆرە لەکەداری دەکەن.
ئەم بکەرانە وەک بڵێی بە شیری حەرام گۆش کرابن، پەلاماری ڕاست و چەپیان ئەدەن و ئەوەی بە خەیاڵیاندا دێت دەیخەنە سەر رووپەری پەیجەکانیانەوە.
ئەم هەلسوکەوتە ناشرین و دوور لە ئەخلاق و مۆراڵی کۆمەڵایەتی تەنیا لە کەسانێک دەوەشێتەوە بروایان بە هیچ نیەو لە گشت بەرپرسیارەتی کۆمەڵایەیی و ئایینیەوە داماڵدراون و وەک کۆمەڵەبەکرێ گیراوێکی نەفس نزم و تێکدەرو بێ فکر، شەوورۆژ سەرقاڵی شکاندنی یەکترو ئەمو ئەون.
وەڵام بدەوه