بەغدا و کابینا نەھێ!
دەما بەغدا دیتی وڵاتێ وان رۆژ بڕۆژێ زێدەر غەرقی گەندەلیێ دبیت، فەسادی یال ھەمی کوچ و کولانێن ولاتی پارڤەدبیت، چەند داھاتێ وان زۆردبیت لێ دزی زێدەتر لێت ھێت و ھەژار و نەدار زۆرتردبن، تاکێ عیراقی زێدەتر بێ ئومێدبیت، ئێدی کەسێ باوەری بپاشەرۆژا ولاتێ نەمایە، بۆ ھەر کێ بھەلکەڤیت دەریایا ئیجە و سنورێن وڵاتان شەقینیت بۆ ھندێ ل ڤی ولاتێ دبێژنێ عیراق رزگاربیت، چونکە ھەر چەند ل عیراقێ دیربکەڤن دێ زێدەتر ھەست بھەبوونا خۆکەت و ژیانکرنێ نێزیک بیت، لەوما یێن ل عیراقێ دیردکەڤن تنێ خۆزیێ ب ھندێ دخازن کو بەرییا چەند سالا دیرکەفتبان!
کو عیراق تنێ ناڤ مایە بۆ عیراقیان گەر خێروبێرێن وێ بۆ تەڤ ولات و خەڵکێ دنە تنێ بۆ عێراقییان نینە. کۆ عیراق ب داھاتێ خۆیێ زەبەلاح بۆ پرانییا وان ولاتان کول بن ئابلوقا ناڤدەولەتی دانە بوویە دەرمان لێ بۆ عیراقییان بوویە دەرد کو دەرمانی ب خەڵکێ دن ددەت! دەما دبینیت ھەر کی دھێتە سەر کورسیکێ درێژەپێدەرێ یێ بەری خۆیە تنێ سەروچاڤ بەدل دبن گەر نە ھەر وەکو یێ بەری خۆ ولاتی تاڵان دکەت و ژمارا خۆیا بەنکی ل دەرڤەی ولاتی پێ پردکەت، بکورتی خەڵک دبینیت کەس دخەما ولاتی دا نینە ھەر کی دھێت ولاتی زێدەتر وێران دکەت!
لێ کاک مەسرور بارزانی دەما دەستبکاربوونێ ل سەر ھەمی سەختییان دەست دانەھێلان، دەست بۆ پرۆژێن ستراتیژی بر، ئێکەم گاڤا وی کار ل سەر بھێزکرنا ژێرخانا ئابووریا ھەرێمی کر، داھاتێ ھەرێمێ فرەچەشن کر تنێ پشت ب داھاتێ پێترۆلێ گرێدەنەدا، ئێکەم کارێ وی دەست بڤەژاندنا پرۆژێن پیشەسازی و کوشتۆکالێ کر، کار ل سەر گەشتوگوزارا ھەرێمی کر، کو ھەرێمێ بکەتە ولاتێ گەشتوگوزارێ ل ھەمی دەڤەرێ، رێک و بانێن مودێرن دروستکرن کو رۆلەکێ بەرچاڤ ھەیە دنیشاندانا ھەرێمێ دا کو وەبەرھێنەر زێدەتر بخازن لێ کاربکەن. لەوما بەغدا بودجە قوتکر و شادەمارا ئابورییا ھەرێمێ ل دەستێن ھەرێمی ئینا دەر، کو دخاست عەیبێن خۆ ڤەشێریت رێگریێ بکەت ل بەرەڤ پێشڤەبرنا ھەرێمێ، بۆ ھندێ ل ھەمی عیراقێ تنێ ھەرێم مینا ھەیڤا چاردەشەڤی ل ئاسمانێ تاریێ وێ دەرنەکەڤیت، زێدەتر ل ھەمی کابینان دژایەتییا کابینا نەھێ کر.
بەغدا ناخازیت ھەرێم وەکو وان نەبیت، دخازیت کاربەدەستێن ھەرێمی ژی مینا وان ولاتی تاڵان بکەن، ل سەرانسەری ولاتی ل فاو ھەیا دێگەلە ل دێگەلە ھەیا زاخۆ وێران و کەس ب کەسێ نەبیت و ولاتەێک بتمامی بێ سەروبەر بیت و خەڵکێ دن لێ حاکم و سولتان بیت، لێ دەما دبینن کاک مەسرور جودایەش وان و ولاتی ئاڤادکەت، دراڤی ژبو شەنگستێ ولاتەکێ بھێز بکاردئینیت، رێکێ ب حاکم و سولتانان نادەت کۆ حوکمران بن ل ھەرێمێ مینا وڵاتێ وان!حەسکریێن کاک مەسرور نابن، لەوما ژی بوودجەی بۆ نافرێکەن بۆ ھندێ ھەرێمێ ب ھەر ئاوایەکێ بیت تەسلیمی خۆبکەن. لێ کاک مەسرور خۆراگرە ھەر چەندە ئازارێن ھاولاتییان تێدگەھیت کو مووچە و ھەر تشت مافێ وانە کەس ژی خێرێ بوان ناکەت و ھەر کارەکێ دکەت بۆ ھندێ مافێ وان زامن بکەت، لێ چوجاران تەسلیم نابیت، نێزیک نە دوور دێ ئابلوقا بەغدایێ ل سەر ھەرێمێ شکێنیت.
#HogirNerwayi
وەڵام بدەوه