کوردێن چاڤنەترش و عەرەبێن بێ ھژمار!
گەر کەسەک چەند مێرخاس و چاڤنەترس بە، نابە شەرێ دەھ کەسان بکەت، چونکە چاڤنەترسیا وی بەس نینە گەر سێیان ژی بکوژیت لێ دەستێ یێ چارێ و پێنچێ دێ ھێتە کووشتن، لەوما عەقلانی یە کەسێ ئازا وەھا سەرەدریێ دگەل دەھان بکەت کۆ ناخازیت شەری بکەت وان گوتنان بکەت کۆ شەر نەبە دا جانێ خۆ بپارێزیت.
کورد ھەمی گەر زێدەیی بژمێرین ٥٠ ملیۆن کەسن،بێ وڵاتن، بێ کەسن چ تشتەک نینە، نە پشتەڤانەکێ حەقیقی بتنێ ھەرێمەک ھەیە، ھەڤدەم عەرەب ٣٠٠ ملیۆن و ٢٢ وڵاتن، ھەرتشت ھەیە، ھزاران پشتەڤان ھەنە ،جیھان ژی ناڤبەرا عەرەب وکوردان بێ دوودلی دێ عەرەبان ھەلبژێریت،ئەڤجا چما ھەر فیشەکەک ل دەف کەسەکێ رەچەلەک عەرەب بھێت چ چەتە بیت یان میلیشیایەکی سەربەردای بیت دێ کەینە شەڕێ میللەت و وڵاتان! شەڕێ میللەتان چ جاران قازانجا مە کوردان دا نینە گەر چەند چاڤنەترس بین کو میللەتێ کورد درێژاییا دیرۆکێ بچاڤ نەترس و مێرخاس ھاتینە نیاسین، لێ چاڤ نەترسی بتنێ بەس نینە بۆ سەرکەفتنێ، پرس و مانا کوردان پێتڤی ب لوژیکانە و عەقلانەیە نە پێتڤی عەتف و سەرگەرمانەیە!
ھەردەم سەرکردیایەتیا شۆرشێن کوردی گوتیە شەرێ مە دگەل میللەتان نینە بەڵکو دگەل رژێمانە، چونکو شەرێ میللەتان کارەساتبارە. لێ جھێ داخێیە نەزانینە ئەم دخازین شەرێ مەزن بکەین، نابیت چوجاران ئەم ئاواتێ بخازین شەری میللەتان ببە، ھەیا عەرەب بخازن ئەو شەر ببە دڤێت ئەم عەقلانە سەرەدەریێ بکەین ل دەسپێکی قەناعەتێ بوان بینن کو ئەم نەدوژمنێ وانین بەڵکو برایێن ھەڤ دینین، چوجاران ژی بۆ وان مەترسی و ھەڕەشە نینن بەڵکو ھەردەم تمامکەرێن وانین مەترسی ل سەر عەرەبان مەترسی ل سەر کوردانە. جوگرافیا عەردێ کوردان وەسا دخازە کۆ کورد ئاشتیخوازبین ھەتا شەرێ مەژی بکەن ڤێت ئەم کورد ھەر دەستێ برایەتیێ درێژبکەین. چونکە گەر ڤێ بکەین خۆ کێمکرن نینە بەڵکو عەقلانی یە، گەر خۆ بپارێزین ئەو ئەم سەرکەفتین گەر شەری بکەین چەند ئازا بین داویێ شەر بەرژەوەندییا پاراستنا مەدانینە. چ جاران بەحسێ تەلسلیم بوونێ نینە چونکە تشتێ شەری خرابتر تەسلیمبوونە لێ ھەیا رێکەکا ئاشتیێ ھەبە نابە چ جاران کورد ھزر دشەرکردنێ دابکەن.
ئەڤجا نەھەر تشتێ چێبوو ئێکسەر بینە سوشیال میدیایێ، ھەر ئێک لایێ خۆ ئاگرێ شەری خۆش بکەت، نە خێر شەڕی دایە و نە شەر پشت مۆبایلان دھێتە کرن، ب بەرپرسیارانە رەفتاران دگەل ھەر پرسەکێ بکەن،تایبەت پرسێن سەربازی،کو پرسێن سەربازی بتمامی نھێنی نە، جھێن پەیوەندیدارێن سەربازی نەبیت کەسێن دن نابە تەداخولیێ پرسێن سەربازی بکەت، لێ ھێشتا فیشەک نەپەقی ئەم کورد دێ ئینینە سوشیال میدیایێ ھەمی تشتان ژی زێدەیی و کێمی پارڤە کەین، ژبلی زیانێ ژی چ جاران مفای ب دۆزا خۆ ناگەھینین. لەوما بلەز بریاران نەدەن چاڤەرێ بن کا ھەڵویستێ جھێن شولەژێ یێن بلندێن ھەرێمێ چبە ئەڤجا کار ھەڵویستێ فەرمی یێ ھەرێمێ بکەین، داب سلامەتی دەربازبین نە داواییێ ئیحراجێن ھەڵویستێ خۆیێن بلەز بین.
#HogirNerwayi
وەڵام بدەوه