بینە پێش چاوی خۆت، بە بودجەی کاراکتەرێکی سیاسی هەلپەرەست لە بەرگی سەرۆک کۆمارێکی پارێزەری سیادەو سەروەری وڵات، کۆمەڵێک قەڵەمفرۆشی هیچ لەبارادانەبوو بەکرێ بگرێ و خەڵکانی نەیاری خۆتی پێ ناشرین بکەی و کە کەسایەتی و مێژوویان بدەی.
بینە پێش چاوی خۆت بە پارەی میللەت کۆمەڵە بکەرێکی پەراوێزخراوی کەوتوو بە کرێ بگری و شەوو رۆژ بە هۆنینەوەی درۆودەلەسەو چیرۆکی هەڵبەستراوو کارگەی دەمشڕی و جنێوسازیەوە سەرقاڵیان بکەی.
جێگەی سەرسووڕمان و تێڕامان و هەڵوەستە لەسەرکردنە، سەرۆک کۆمارێکی بە ڕەگەز کوردی بە رواڵەت نوێنەری کورد، لە جیاتی ئەوەی ببێ بە چەترێکی گەورەی کۆکردنەوەی دەنگوڕەنگە جیاوازەکان، ببێ بە فاکتەری لێکترازان و نانەوەی دووبەرەکی و پەرت ژردنی ناوماڵی کورد.
بیری لێ بکەرەوە سیاسیەکی پۆست پەرەست لە بری لە خۆ گرتنی گشت ئاراستەیەکی سیاسی و کۆمەڵایەتی و مەدەنی و پاراستنی بەرژەوەندیە گشتیەکان لە پێناو چاکەی گشتیدا، لەوپەڕی نابەرپرسیارەتی ئەخلاقیدا بودجەو سامانی وڵات بۆ کڕینی چەندین قەلەمجاشێکی چەواشەکاری گوڵەبەرۆژە سیفەت تەخشان و پەخشان بکات.
ئەو پارەوپوڵەی بەرهەم ساڵح بەدرێژایی ماوەی سەرۆکایەتیەکەی و بەتایبەت لە شەش مانگی رابردوودا لە پێناو تێرکردنی کۆمەڵە قەڵەمفرۆشێکی خۆفرۆش و سوک و سەلیم تەرخانی کردووە، بە دڵنیاییەوە دەکرا لە دروست کردنی چەندین قوتابخانەو بنکەی تەندروستی و چارەسەری بەرکەوتە داماوەکانی چەکی کیمیایی هەڵەبجە و دروست کردنی رێگاوباندا خەرج بکرایە.
هۆکاری نەکردنەکەشی هەرچی بووبێت، دەرخەری ناخی ناشرین و داخ لەدڵی و نمایشی لێ نەوەشاوەیی و بێ کەلکی کەسایەتیەکەیەتی نەک ماهیەتی کورسی پۆستی سەرۆک کۆمار.
وەڵام بدەوه