لەوەتەی بەری رەنج و تێکۆشان و قوربانیدانی کورد، حکومەتی هەرێمی کوردستانی لێکەوتۆتەوە، ناحەزانی کورد بەسەر هیچ دەلیڤەو دەرفەتێکدا بازیان نەداوە لە سوکایەتی کردن و دوژمندارێتیان بەرامبەر بە حکومەت و دامودەزگا شەرعیەکانیەوە.
ناحەز و نەیاری کورد نەیانشاردۆتەوە ئەوان ناخوازن لە هیچ شوێنێکی ئەم گیتیەدا کورد ببێ بە خاوەن دەوڵەت و موسەساتی خۆی و رووبەرووی هەر هەنگاوێک بەرە سەربەخۆیی دەوەستنەوەو شکستی پێ دێنن.
بەڵام داخی گرانی کورد ئەوەیە لایەن و کەسایەتی و حزبۆکەی داردەستی دەزگا هەواڵگریەکانی ئەملاوئەولا لە جیاتی خزمەت کردن بە یەکڕیزی و تەبایی نێوان کوردەوە، لە جیاتی هەوڵدان بۆ دەست گرتن بە هەرێمەوە، ئەوپەڕی هەوڵ و تەقەلاکانیان بخەنەگەڕ و سوکایەتی کردن بە دەسکەوتەکانی گەل بکەن بە پیشەیان و هەر رۆژەوە بەندو بالۆریەک بنێنەوەو لە کونێکەوە پەلاماری حکومەت بدەن.
دوایین هەوڵی لەمجۆرەش هەڵتۆقاندنی شەریفی بن علی باپیرە کەوا بە بۆنەو بێ بۆنە و لە رێگەی پەیج و لاپەڕەی گوماناوی و پر تەشهیرەوە ئەوەی ناشرینی و سوکایەتی و جنێودانە ئاراستەی حکومەتی هەرێمی دەکات و خۆی کردووە بە شەریفی مەککە و مەدینە و فریاد رەسی گەلەوە.
نەنگیەکی گەورەیە یەکێک خۆی و باوک و حزبەکەی لەسایەی ئەمنیەت و ئاسایش و دۆخی سەقامگیری هەرێمی کوردستان بلەوەڕن و بە ئازادیەوە ئەمسەرو ئەوسەری کوردستان بکەن و هەر جرت و فرتیان بێ و لە خێروبێری کوردستان بخۆن، کەچی وەک نمەک بە حەرامێک دەربکەون و هەردەم دژی حکومەت و شەرعیەت خۆیان لە ژێر ناوو دەمامکی ئیسلاح و ئاییندا مەلاس بدەن و دەم و زمانیان لە هیچ وشەو کردەیەکی ناشرین نەپارێزن.
ئەمانە ئەگەر وادەزانن وڵات بێ خاوەن و بێ میروحاکمە، زۆر بەهەڵەداچوونەو درەنگ یا زوو ناوەرۆکی فشۆڵیان بۆ هەموو لایەک دەردەکەوێ و لەم هەوڵە نەزۆکەشیان شکست دێنن و ریسوا دەبن.
“ دەسکەوتەکانی هەرێم بەری رەنج و تێکۆشانی سەرجەم چینوتوێژەکانە بە خانەنشینانی پارێزگای سلێمانیشەوە”
“ هیچ هاوکێشە سیاسی کوردستانی و عێراقی بە زمانی هەڕەشەو فشاری دەرەکی و ناوەکی گۆڕانکاری بەسەردا نایەت”
“ راگرتنی هاوسەنگی و زمانی گفتوگۆ لە دونیای سیاسەت بەردی بناغەی سەرکەوتنی پرۆسەی سیاسی و سەقامگیریە”
وەڵام بدەوه