ئەوەی لە بانکی ناوەندی سلێمانی دەگوزەرێ راو رووت نەبێ ئەی چیە؟
وەزارەتی دارایی و ئابوری حکومەتی هەرێمی کوردستان لە بەیاننامەیەکی تێروتەسەلدا ئاماژەیداوە بەوەی بانکی ناوەندی سلێمانی دەستی بردووە بۆ سیولەی هاوڵاتیان و پارەکەی بە بێ گەڕانەوە بۆ خاوەنەکان و بەدەر لە رێنماییەکانی وەزارەتی دارایی و ئابوری و حکومەتی هەرێمەوە خەرج کردووە.
نەمانی پارەلە بانکەکانی سلێمانی، کۆبوونەوەی خۆڵ و خاشاک،وەستاندنی پرۆژەکان لەم سەری شارەوە بۆ ئەوسەری شار و نەبوونی خزمەتگوزاریەکان و بەردەوامیدان بە بایکۆتی بەشێک لە دامودەزگا حکومیەکان، تەنیا یەک ئامانجی رون و ئاشکرای لە پشتە:
بەرزکردنەوەی کێرڤی نارەزایەتیەکانی دانیشتوانی پارێزگای سلێمانی بە گشتی و تۆمەتبار کردنی حکومەت بە سزادانی سلێمانی لە لایەن حکومەتی هەرێمەوە.
لەوەش کارەساتبارتر هۆنینەوەی درۆی شاخدارە بەوەی حکومەت بە ئەنقەست کار بە پرەنسیپی سزادانی بە کۆمەڵ و بە دیفاکتۆکردنی دوو ئیداریەوە دەکات.
دواجار هەوڵێکیشەبە ئاراستەی زەمینەسازی بۆ بچوک کردنەوەو دانانی هێمای گومان و پرسیارلەسەر نیەت پاکی حکومەت و دامودەزگا نیشتیمانی و شەرعیەکانیەوە.
بەڵام بەری رۆژ بە بێژینگ ناگیرێ و درەنگ یا زوو ئەم هەوڵە نەزۆکەش وەک باقی هەوڵە فشۆڵەکانی تر پوچەڵ دەبنەوە و ڕاستی و حەقیقەتی مەسەلەکە بۆ هاونیشتیمانیانی پارێزگای سلێمانی ئاشکرا دەبن.
وەڵام بدەوه