داگیرکارێن کوردستانێ و کوردێن جوداخواز!
نەحەز و داگیرکارێن کوردستان چوجاران ئامادەنینن ئیمزایا خۆ لسەر کاغەزەکێ بکەن ژبۆ بھێزکرنا کوردستانێ لێ ھەمی دەما یوسف کیلابی و ئەمسالێن مینا وی ئامادەن بملیۆنان ئیمزایان بکەن لسەر ھەمان کاغەز ژبۆ لاوازکرن و ژناڤبرنا ھەرێما کوردستان!
ب درێژاییا دیرۆکێ داگیرکارێن کوردستانێ ل ھەمی پارچێن کوردستان، بۆ ژناڤبرنا شۆناسێ کوردان کورد کرینە دوو بەرە، بەرەیەکێ کوردان ل سەر خۆ دامەزراندییە ب ھەمی شێوان پشتەڤانیا وانکریە بۆ دژایەتییا بەرەیێ دن کو ئەو بەرە ناڤکریە بەرەیێ جوداخواز. کو مەزنترین تاوانبار ل جەم داگیرکارێن کوردستانێ کوردێن جوداخوازبوینە. کو کوردێن جوداخواز ھەر دەم خەباتکریە کو رەگەزێ وان کوردە نە تورک و فارس و عەرەبە، کوردژی مینا تەڤ نەتەوێن دن خۆدیێ ماف و کلتورێ تایبەت بخۆیە!
لێ ب درێژاییا سەد ساڵێن بووری داگیرکارێن کوردستانێ ھەر تشت بکوردان دایە ب تنێ کوردبوون پێ نەدایە و پێ نادەن! وەزیری وڵاتی ب کوردان دەن لێ ب رەگەزێ تورکی نەکوردی! سەرۆک کۆماری بکوردان ددەن لێ رەگەزێ عەرەبی نە کوردی! پەرلەمانتار و ھند تشتێن دن بکوردان ددەن لێ ئەوژی ب رەگەزێ فارسی نە کوردی! ئانکو وان کێشە دگەل ھیچ تشتەکێ نینە گەر خزمەتا ولاتێ وان بکەی ھەر تشتی دێ بتەدەن بتنێ کوردبونێ بتە نادەن! چونکو دبنەرەتدا دمیتۆدا وان دا تشتەک نینە ب ناڤێ کوردان، چوجاران ژی ناخازن کورد ھەبن دان و بھەبووناوان نانن!
ئەڤجا ھەردەم ئەو کوردێن خۆب کورد نەزانینە رێزلێگرتی بووینە جەم وان،گەر بەحسا ھەر پرۆژەکێ بکەن کو بۆ لاوازکرن و دەسھلاتێن کوردان بیت ھەمی نەحەزێن کوردستانێ دێ پشتگیریێ بۆ کەن و ئیمزایا بۆ کەن.
ئەو کوردێن دوھی ل پەرلەمانی داخازا ئیمزایان کری ل یوسف کیلابی و شیعە و سوونان کو مووچێ فەرمانبەران راستەوخۆ بەغدا دابەشبکەت ب جارەکێ شیعە و سونا و تورکومان ھەمیان پشتەڤانی بۆ کر و ئیمزایێن خۆ ل سەر کاغەزێ کرن چونکە ئیمزایا وان ئیمزایا ژناڤبرن و لاواکرنا ھەرێما کوردستانێ یە کو تاکە کیانێ کوردییە لسەرانسەری جیھانێ، گەر نە گەلو ئیمزایان کومبکەن بێژنێ مادێ ١٤٠ جێبەجێبکەن بزانە کیژان ژوانان دێ بۆ ھەوە ئیمزاکەت، یان ھەر بێژنێ ئیمزایان بکەن بۆ فرێکرنا مووچەی لێ نەلسەر حسابا لاوازکرنا ھەرێما کوردستانێ بزانن دێ کیژان ژوان ھەر نێرنە وێ کاغەزێ! چما ھوون نکارن ئیمزایان بۆ پارێزگەربوونا ھەلەبچەیا شەھید کوومبکەن! چوجاران ئەو ئامادەنینن ئیمزایا خۆ ل سەر تشتەکێ بکەن کود بەرژەوەندییا بھێزکرنا ھەرێمێ بیت لێ ب ملیۆنان ئیمزایان دێ کەن کو بزانن دێ ھەرێما کوردستانێ لاوازبیت.
ھەردەما نەحەزێن کوردستانێ گەھشتنە ئارمانج، پرسا کوردی داوی ئینا دێ دەستبەرداری وان کوردان بن یێن نھا چووینە بن دەستێن وان بۆ لاوازکرن و ژناڤبرنا تاکە ئەزمونا کوردان،ئەو جودایێ ناکەن ناڤبەرا چو کوردان چونکو لایێ وان کورد نینن بتنێ بۆ مەرەمێن خو بکاردئینن مینا کۆلان رەفتاێ دگەل ھەمی کوردان دکەن، ھەروەکی چاوا پشتی نسکۆیا شۆرەشا ئەیلولێ رژێما عیراقێ دەستبەرداری ھەمی وان کوردان بوون یێن درێژاییا شۆرشێ شەڕ بۆ رژێمێ دکر چونکە شۆرش دوماھیک ھات ئێدی کارێن وان ژی ب چەتەیێن کورد و دژە شۆرشگێران دوماھیک ھات!.
#HogirNerwayi
وەڵام بدەوه