بێویژدانیەکی گەورەیە بەغدا بودجەی هەرێمی کوردستان وەک کارت و بارمتەیەکی فشارهێنان بۆ سەر کورد و سەپاندنی شەرتومەرجەکانی بەسەر کوردا گڵ بداتەوە.
ئەوپەڕی نابەرپرسیارەتی ئەخلاقی و سیاسیە بە ناوی پاکتاوی حیساباتی کۆتایی یا هەر ناوێکی تر، ژیان و گوزەرانی شەش ملیۆن کورد وێران بکەی و وەک کاڵایەک مامەڵە بە چارەنووسیانەوە بکەی.
کورد عێراقێکی بونیاد نایەوە هەنوکە دەستی خستۆتە بینەقاقای تاک بە تاکی کوردەوەو یاری بە چارەنووس و ژیانو گوزەرانیانەوە دەکات و باکی بە هیچ نیە.
ئەم رەفتارەی دەسەڵاتدارانی عێراق درێژکراوەی سیاسەتی پێشووی رژێمە یەک لە دوا یەکەکانی عێراقە، بەڵام لە سەردەم و قۆناغێکی تازەو لە ژێر ناوێکی ترەوە.
پێدەچێ بەغدا هیچ پەندوئەزمون و ئامۆژگاری لە مێژووی سیاسی و ململانێکانی لەگەڵ کورد وەرنەگرتبێ، بۆیە وا بێ باکانە لەگەڵ خواستەکانی کورد مامەڵە دەکات و کات دەکوژێت.
وەڵام بدەوه