دوای ماوەیەک لە دەنگە دەنگ و هاشوهوشی مێدیایی و سۆشیال مێدیا، دەنگە نەشازەکانی نەیارانی هەرێم لە بەغدا کپ بوونەوە.
دووپات کردنەوەی مافە دەستووری و یاساییەکانی هەرێم لە ژێر رۆشنایی سیستەمی فیدڕاڵی لە لایەن کۆمەڵگەی نێودەوڵەتیەوە، جەخت کردنەوەیە لەسەر بەهێز مانەوەی هەرێم و چەسپاندنی مافەکانی دانیشتوانی هەرێم.
سەردانیکردنی سەرۆک وەزیرانی عێراق بۆ ئەمریکاو ئەنجامدانی چەندین دیدارو چاوپێکەوتن لەگەڵ بەرپرسانی ئەمریکا لە پاڵ کۆبوونەوەی لوتکەی نەتەوە یەکگرتووەکان و ورووژاندنی پرسی سیستەمی فیدڕاڵی و داواکاریەکانی هەرێم، سەلماندنی رەوایەتی مانەوەی هەرێمە وەک ئەمری واقع.
لەولاشەوە یەکێتی ئەوروپا لە رێگەی چەند بەیاننامەیەکەوە جەختی لەسەر چارەسەرکردنی ناکۆکیەکانی بەغدا لەگەڵ هەرێمی کوردستان کردۆتەوەو هیوای خواستووە دانوستانەکان بە ئاقاری چارەسەریدا ببرێن و نەناردنی شایستە داراییەکانی هەرێم لە لایەن بەغدا، لەمە زیاتر دەستی دەستی پێ نەکرێت.
وەڵام بدەوه