گەڕێکی دیکەی دانوستانی نێوان هەولێر و بەغدا بە دەست پێشخەری حکومەتی هەرێم دەستی پێکرد.
حکومەتی هەرێمی کوردستان لە روانگەی بە تەنگەوە چوون و دۆزینەوەی چارەسەرێکی بە پەلە بۆ موچەخۆران و شایستەداراییەکانی هەرێم بە شاندێکی باڵاوە سەردانی بەغذای کرد.
ئەم دۆخە سەختە داراییەی رووبەرووی هەرێمی کوردستان بۆتەوە، دەرەنجامی خەرج نەکردنی بودجەی هەرێم و دەستی دەستی پێکردنی بەغداو سەپاندنی هەژمونی ناوەندە بەسەر هەرێمی کوردستانەوە.
بریاری دادگای پاریس و وەستانی هەناردەکردنی نەوتی هەرێم سیاسیەکانی بەغدای والێکرد بۆ گوشار خستنەسەر هەرێمی کوردستان و کاڵ کردنەوەی پێگەو بچووک کردنەوەی هەرێمی کوردستان پەنا بۆ کارتی ئابوریەوە بەرن و ناردنی بەشە بودجەی هەرێم بە شەرتومەرج و ئەگەرو مەگەرو گریمانە بێ بنەماکانیانەوە گرێ بدەن.
چوونی شاندی حکومەتی هەرێم و سازدانی چەندین دیدارو چاوپێکەوتن لەگەڵ کەسایەتیە سیاسیەکانی بەغدا سیحری لەخۆبایی بوون و خۆدزینەوەی دەسەڵاتدارانی بەغدای بەتاڵ کردەوەو ئەو ڕاستیەی سەلماند، تەنیا رێکاری بەلادادانی کێشەوگرفتەکان کەناڵی گفتوگۆو دیپلۆماسی و دیدارو چاوپێکەوتن و لێک تێگەیشتنە، نەک لێدوان و مقۆمقۆی مێدیاو قسەوباسەکانی سۆشیال مێدیاوە.
سەرکەوتنی رێکاری دیپلۆماسی و لە نزیکەوە گوێ گرتن لە بۆچوون و دیدگا جیاوازەکان، تەنیا ئامرازێکە ئەشێ وەک دەرچەیەک هێمای بۆ بکرێ و گرژی و ئاڵۆزیەکانی نێوان هەردوو لا کاڵ بکاتەوەو دۆخێکی سەقامگیری ئابوری بۆ سەرجەم عێراقیەکان بە هەرێمی کوردستانیشەوە بێنێتە کایەوەو بەرەو کاری باشتر هەنگاو بنێت.
وەڵام بدەوه