وێنەگرتن دگەل سوودانی و ھنارتنا مووچێ فەرمانبەران!
ئەڤرۆکە وێنەگرتن دگەل سوودانی بوویە ئامرازەکێ دەستێن پارتێن سیاسی بۆ ھندێ دھەوا ھەلبژارتنان مینا دەستکەفت بۆ مەرەمێن خۆیێن کەسوکی بکاربینن!
ئۆپۆزسیۆنێ بەرالاییەک دروستکریە پارتێن دەسھەلاتدار ژی کەفتینە بن باندورا بەرەلاییا ئۆپۆزسیۆنێ! ھەر کەس دچیت وێنەیەکێ دگەل سوودانی دگریت ل سەر دنڤیست مەبەحس مووچەیێ فەرمانبەران کریە و سوودانی بەلێن بمەدایە زوترین دەم مووچەی فرێکەت، ھەتا نووچەی ب عەرەبی ژی نانڤیسین دترسین سوودانی گوتێن وان یێن وەنەیی ببینیت و بەرسڤا وان بدەت، شەرمزاری گوتنێن خۆ ببن کوبتنێ ئەو چەک ددەستی دایە!
ئاخفتنێ پارە ل سەر نینە، ھەر کەس دکاریت باخڤیت زۆرترین گوتنێن بێ بنەما بکەت چونکە نە محسابە ل سەر وان گوتنا دگەل دھێتە کرن و نەدھێتە سزادان ژبۆ گوتنێن وەنەیی، نە چ پاران ددەن دەما دئاخڤن! ئەڤرو ل سەر دەمێ سۆشیال میدیایێ ئامرازێن گەھاندنێ بساناھینە ھەر کەس دکاریت دمالا خوەدا چەندین کەنال ھەبن ب ئاوایێ سەرێ خۆە ھەرتشتی پارڤەبکەت، پارت و شەخسێن سیاسی زێدەتر ھەر کەسێ دن مفا ژ سۆشیال میدیایێ وەرگرتیە، ب ساناھی ئەوا دھێتە سەر زمانێ وان پارڤەدکەن، بتایبەتی دەما نێزیکی دەنگدانێ بیت زۆرترین ئاخفتنا بۆ بەرژەوندیا خوە دنڤسین و دلاپەرێ خوەدا پارڤە دکەن بۆ کرینا دەنگێ خەڵکی!
کاک شاسوار و کاک باڤل دکارن سەرەدانا قەیس خەزعەلی و عەبادی نمونێن مینا وان بکەن کاچاوا ب ھەڤرا دەسھەلاتێن ھەرێما کوردستانێ کێم بکەن بەربەستان دروستبکەن لبەردەم مافێن خەڵکی ژبۆ ھندێ دژایەتیا حکومەتا ھەرێمێ بکەن کو ئەجێندایا دەرەکی ل سەر وان سەپاندییە، لێ ئەو نووچێ شاسواری پارڤەکری کو بەحس ل ھنارتنا مووچێ فەرمانبەرێن ھەرێمێ کری ئاخفتنەک بوو ل بەرینکا خوە ئینابوو دەرێ تنێ ژبۆ وێ یەکێ شەری ب تورەییا خەڵکی بکەن و دەروونا وان زێدەتر تێکبدەن ل ھەمبەری حکومەت و دەسھەلاتێ زێدەتر بێ ئۆمێد بکەن.
دمیتۆدا سیاسەتێ دا تشتەک نینە بێبەرامبەر بیت یان ل سەر بنەمایێ عاطفی و دوستانیێ بیت بەڵکو تشتەک بەرامبەر تشتەکێ دییە، کو داویێ رێکەفتنێ بکەن دبەرژەوەندیا ھەردولایان دا بیت. نزانم کاک شاسوار دێ چ تشتی بەرامبەر مووچێن فەرمانبەرێن ھەرێمێ ب عیراقێ دەت، دێ داھاتێن پلیتێن یاریێن چاڤیلاند ب عیراقێ دەت یان پارێن خەڵکی کو قوتداین بناڤێ پشکێن چاڤیلاند دێ ب عیراقێ دەت بۆ مووچەیێن فەرمانبەران! ھەلبەت کاک شاسوار و چ شەخسێن دن نکارن ئێک دینار بۆ ھەرێمی بینن، تنێ ئەودکارن ببنە ئاستنگ ھەمبەری مافێن ھەرێمێ، ئانکو بکورتی ئەو زەلامێن پارە ئینانێ نینن چ جارا ژی بۆ دانا مافان پسیار بوان ناھێتە کرن تنێ بۆ نەدانا مافان و دژایەتیا کوردستانێ راوێژا وان دھێتەکرن کو ببنە ئامرازێن جێبەجێکرنێ!
ل داویێ خۆ گێلکرن نەڤێت، یاریێ ب دەرونێ خەڵکی نەکەن چونکە حکومەتا عیراقێ ل گورەی دەستووری مامەلێ بتنێ دگەل حکومەتا ھەرێمێ دکەت، مامەلێ نەدگەل چ شەخسان نەدگەل چ پارتان ناکەت ھەیا مامەلێ دگەل پارتی ژی ناکەت کو مەزنترین پارتا ھەرێمێ یە، گەر مامەلە کربایە دادگەل پارتی کەت، لێ بتنێ مامەلێ دگەل حکومەتا ھەرێمێ وەکو لایەنێ فەرمی یێ ھەرێمی کو نوینەراتیا تەڤ خەلکێ کوردستابێ ب ھەمی رەنگ و نەتەوە و ئایدۆلۆژیان دکەت، ھەر کەسەک دەرڤەی حکومەتێ سەرەدانا بەغدا بکەت ژبو پرسێن تایبەت یاسایی دەستوری بتنێ موزایدایە و دخازن بازارێ خوە گەرم کەن کو دەمەکە بازارێ وان نەمایە، پرانیا خەڵکی ئێدی دزانیت کاچەندن و بەھایێ وان چەندە!
#HogirNerwayi
وەڵام بدەوه