گریمان؛ بڕیارا دادگەھا ئیراقێ ڕەوایە، فروتنا نەفت و غازێ ژ ئالیێ ھەرێما کوردستانێ نەیا دەستوری و نەیا یاسایی یە، کو ل بنەرەت دا دەستوری یە، لێ پەسن و ستایش بۆ وان کەسان یێن شیاین ب نەدەستوری نەفتێ بفروشن، کو نیزیکێ چەرخەکێ ب وێ نەفتێ بتنێ وەبەرھێنان دکرن ژبۆ ژناڤبرن و نەھێلانا نەژادێ کوردان.
لێ بگوتنا وان ب نەدەستوری حکومەتا کوردی شیا وێ نەفتێ بۆ ژیان و خۆشگۆزەرانیا خەڵکێ کوردستانێ بکاربینیت ئەگەر چی نەد ئاستێ پێتڤی بوو، رێگریێ بکەت ل پیلانێن عروبە، سەفەوی، عوسمانیان دژی نەژادێ کوردان.
بینە بەرچاڤێن خوە، ئەگەر کوردان نەفت نەبوو، شیرێ عەرەبان رەحم بۆ نەڤیێن پێغەمبەرا نەبوو، کو ژ نەتەوا وانبون، رەحم ژبۆ سونان نەبوو کو داعش بۆ دروستکردن ڤێرا بەردان، کو رەچەلەک دا ھەردووک عروبەن،
چاوان دێ رەحم بۆ کوردان ھەبە، کو جارێکێ ب کافر ناڤ دکەن، جارێکێ ب ئەجنە، جارێکێ ب جوھیێن ئسرائیلی، ھند جاران ژی ب نەمروڤ پێناسە دکەن، ل باشترین دەم دا کو ب ڕەحم بن بۆ کوردان مروڤێن پلە دوو و ئیھمالکری لێ دنێرن!.
کورد ئەو نەفتە نەبوویە، داعشان سلێمانی، ھەولێر، دھوک ب دەردێ موسلێ و خراپترژی دبرن، قەسابخانەیەکا دن ل ناڤ ھەلەپجەیا بریندار ڤەدکر، ل شوینا لەھیا ئیلاھی، لەھیا دەستکرد بخوینا کوردان ل تەڤ شارێن کوردستانێ دروست دکرن، دیجلە و فورات پڕدکرن ل مەژیێ مێشکێ کوردان، ناڤێ کوردان ژێدبر، ئەوا تە نەدیتی و نەگوھلێبوی خراپتر ب سەرێ کوردان دئینا.
تە رەخنە ل مەلەفێ نەفتێ ھەیە، ڕەخنا خوە بگرە، داھاتێ نەفتێ نەشەفافە دزانی گەندەلی تێدا دھێتە کرن، دەڤێ خوە نەگرە بکە ھەوار و ھەر بەحس بکە،لێ حەقی ب دادگەھا فیدرالا ئیراقێ بدەی کو نە بریارەکا ئیراقی یە و نە فیدرالی مایە، جیاوایا تە نیە لگەڵ وان یێن خوینا کوردان حەلال دکەن، چوو ماف و تشتان ب کوردان ڕاوا نابینن، ب زمانێ سادە جیاوزایا تە نینە دگەڵ ئەبابەکر بەغدادی، سەدامێ دیکتاتۆر، قەیس خەزعەڵی، تەڤ نەیارێن کوردان. من زێدەتر ژتە رەخنە ل فروشتنا نەفتێ ھەیە ، لێ جیاوازیا من و تە ئەوە، ئەز رەخنێ دگرم کوە شاشیان دروست بکەن، نەشەفافیێ نەھێلن زێدەتر نەفتی بۆ خۆشگوزەرانیا خەڵکی بکاربینن، پەسن و ستایشا وان دکەم کو ئەو کارتە ژ دەستێن نەیارێن کوردان ئینایە دەرێ، رەخنێ ژی دگرم ل ب ڕێڤەبرن و ئیدارەکرنێ کو باشتر بکەن، لێ تۆ دخازی نەفت نەمینیت. ھەر ب لڤینا ھێزێن بیانی بۆ سەر ئاخا کوردستانێ تەگرتیە، ھەر حەزدکەی پۆستالێن بیانی ل سەر سەرێ تەبن، ب شێوەکێ ئاڵودا بیانیا بووی تە خوە یان بەرزەکری، نھا تۆ خۆنینی ئەوێن دی تری.
وەڵام بدەوه