ئیسرائیل گورزی خۆی وەشاند

ئیسرائیل گورزی گەورەی خۆی وەشاند. میدیای فەرمیی ئێران پشتڕاستیکردەوە، هێرشکراوەتەسەر ئەو کۆمپانیاو یەکانەی کارەبا، ئاوو ئۆکسجین بۆ مۆڵگەی پترۆکیمیایی (عەسەلویە) لەپارێزگای بوشەهر دابیندەکەن، هەرچەندە لایەنی ئێرانی دەڵێت، زیانەکە بەر دامەزراوە سەرەکییەکان نەکەوتوە، بەڵام پچڕانی کارەباو خزمەتگوزارییەکان بەتەواوی بەرهەمهێنانی لەو ناوچە ستراتیژییە پەکخستوە. لەتەلئەبیبەوە، یسرائیل کاتس وەزیری بەرگریی ئیسرائیل وه‌كو شانازییەك ده‌ڵێت، "سوپای وڵاتەکەم گورزێکی کوشندەی وەشاندوە".
کاتس ئه‌وه‌شى وت، "دوای هێرشەکەی هەفتەی ڕابردوو، ئەمڕۆش گەورەترین دامەزراوەی پترۆکیمیاییمان لەعەسەلوویە پەکخستوە کە بەتەنها 50٪ی بەرهەمی وڵاتەکەی پێکدەهێنا، بەمەش ئێستا 85٪ی توانای هەناردەکردنی پترۆکیمیای ئێران لەکارکەوتوە".