گەرووی هورمز هەژێنرا

کەشتییەکی نەوت هەڵگر لە گەرووی هورمز ئاگری گرت
 هێزە چەکدارەکانی ئێران: گەرووەکە داخراوە و لەژێر کۆنتڕۆڵی ئێمەدایە. ئێوارەی ئەمڕۆ دووشەم، هێزە چەکدارەکانی ئێران ڕایان گەیاند کە کەشتییەکی نەوت هەڵگر بە ناوی "ئەلغایا" بەهۆی بەرکەوتنی بە مینێکی دەریایی لە گەرووی هورمز، ئاگری گرتووە.
 بەگوێرەی ڕاگەیەنراوەکە، کەشتییەکە هەوڵی داوە لە ڕێڕەوی قەدەغەکراوی باشووری گەرووەکەوە تێپەڕێت.
 ئێران دووپاتی دەکاتەوە کە گەرووی هورمز داخراوە و بەتەواوی لەژێر کۆنتڕۆڵی ئەواندایە و پێشتر هۆشدارییان لەبارەی مەترسیی ڕێڕەوەکەوە دابوو.سەرجەم هەوڵەکان بۆ کوژاندنەوە و کۆنتڕۆڵکردنی ئاگرەکەی سەر کەشتییە زەبەلاحەکە شکستیان هێناوە. ڕووداوەکە هاوکاتە لەگەڵ دواخستنی ئەو کۆبوونەوە هەرێمییەی کە بڕیار بوو ئەمڕۆ لە عومان سەبارەت بە گەرووی هورمز بەڕێوە بچێت. نزیکەی پێنج یەکی نەوتی جیهان بە گەرووی هورمزدا تێدەپەڕێت و کۆنتڕۆڵکردنی خاڵی سەرەکیی ناکۆکیی نێوان ئەمەریکا و ئێرانە.