ئاگادارییەک لە فڕۆکەخانەی نێودەوڵەتیی هەولێرەوە

فڕۆکەخانەی نێوەدەوڵەتیی هەولێر ئاگادارییەکی لەبارەی بردنە دەرەوەی ((Credit Card, Debt Card) لەلایەن گەشتیارانەوە بڵاوکردەوە.
‎لە ئاگادارییەکی فڕۆکەخانەی نێوەدەوڵەتیی هەولێر هاتووە: "دوای زیادبوونی دیاردەی بردنە دەرەوەی (Credit Card, Debt Card) بە ڕێژەیەکی بەرچاو لە فڕۆکەخانەدا، کە تاوەکو ئێستا بە نزیکەیی 2150 کارت دەستی بەسەردا گیراوە،. لەلایەن گەشتیارانەوە بە مەبەستی بردنە دەرەوەی وڵات بۆ ساغکردنەوەی پارە بەکار هاتوو".
‎ئەوەش خراوەتە روو: "ئاگاداری گەشتیاران فڕۆکەخانەی نیودەوڵەتی هەولێرە دەکەینەوە، ئەم بابەتە ڕێگەپێدراو نییە، بەپێی یاسا و ڕێنماییە داراییەکان ڕێکخراوە. هەر گەشتیارێک دەتوانێت تەنیا دوو کارت بباتە دەرەوەی وڵات، بە مەرجێک ئەم دوو کارتە بە ناوی خودی گەشتیارەکەوە تۆمارکرابێت لە هەر بانکێکدا".
‎ئاماژە بەوەش دراوە کە بەدەر لەم ڕێکارە یاسایی و داراییە، گەشتیار تووشی سزای یاسایی دەبێت.