بۆ پاراستنی مافی نەخۆش و ڕێکخستنی کاری ڕاگەیاندن، بەڕێوەبەرایەتیی گشتیی تەندروستیی هەولێر کۆمەڵێک ڕێنمایی نوێی بۆ سەرجەم نەخۆشخانە و بەشەکانی فریاکەوتن دەرکرد.
قەدەغەکردنی دیدار و ڕاپۆرت: بە هیچ شێوەیەک ڕێگە بە کەناڵەکانی ڕاگەیاندن نادرێت لەناو نەخۆشخانەکاندا دیدار یان ڕاپۆرت ئەنجام بدەن، چونکە ئەمە دەبێتە هۆی بێزارکردنی نەخۆش و تێکدانی ڕەوتی چارەسەرکردن.
ناوەندی فەرمی بۆ زانیاری: هەر ڕووداوێکی نەخوازراو یان حاڵەتێک کە پێویستی بە ڕاگەیاندن هەبێت، تەنها لە ڕێگەی بەڕێوەبەرایەتیی ڕاگەیاندنی تەندروستییەوە دەبێت و پێویستە ڕەزامەندیی پزیشکی پسپۆڕ وەربگیرێت.
ئاگادارکردنەوەی خێرا: لە کاتی ڕوودانی هەر ڕووداوێکی فریاکەوتندا، پێویستە لە ماوەی 24 کاتژمێردا بەڕێوەبەرایەتیی نەخۆشخانەکان، بەشی ڕاگەیاندنی بەڕێوەبەرایەتیی گشتی ئاگادار بکەنەوە بۆ دابینکردنی زانیاری و ئاماری ورد.
سەرچاوەی فەرمی: جەخت لەوە کراوەتەوە کە هەموو جۆرە زانیاری و ڕووماڵێک دەبێت تەنها لە ڕێگەی کەناڵە فەرمییەکان و بەڕێوەبەرایەتیی ڕاگەیاندنەوە ئەنجام بدرێت.
#Kurdistanpress
وەڵام بدەوه