کوردستان پرێس - هەولێر
لە چوارچێوەی هەوڵەکانی حکوومەتی هەرێمی کوردستان بۆ پاڵپشتیکردنی کەرتی تایبەت و بەرەوپێشبردنی بەرهەمی ناوخۆیی، کارگەی "ئەکەد بریک" کە گەورەترین کارگەی بەرهەمهێنانی خشت و کەرپووچە لە شاری هەولێر، بە فەرمی بەگەڕ خسترا.
ڕۆژی یەکشەممە، ٣٠ی ئابی ٢٠٢٦، شاندێکی باڵای حکوومی پێکهاتوو لە ساسان عەونی (وەزیری شارەوانی و گەشتوگوزار)، دکتۆر محەمەد شوکری (سەرۆکی دەستەی وەبەرهێنان)، ئومێد خۆشناو (پارێزگاری هەولێر)، بە یاوەری سامان عارەب (بەڕێوەبەری گشتیی وەبەرهێنان)، بژار مەلا خدر (قائیمقامی قەزای قوشتەپە) و دێدەوان خەلیل (بەڕێوەبەری ناحیەی بێستانە)، سەردانی کارگەی "ئەکەد بریک"ی سەر بە کۆمپانیای (حەقڵ تابوق)یان کرد.
لە لایەن حاجی ئەحمەد ماجدی (خاوەنی گرووپی کۆمپانیاکانی ماجدی و هیوا هۆڵدینگ) و هەورۆ ئەحمەد ماجدی (سەرۆکی کۆمپانیای حەقڵ تابوق)، پێشوازی لە شاندە حکوومییەکە کرا و بەشە جیاوازەکانی کارگەکەیان بەسەرکردەوە.
تایبەتمەندی و توانای کارگەکە:
تۆپۆگرافیی بەرهەمهێنان: ڕۆژانە نزیکەی ١,٢٠٠ تۆن کەرپووچ بەرهەم دەهێنێت.
جۆری بەرهەم: ٥ جۆری جیاوازی تابوق و کەرپووچ دابین دەکات.
دەستی کاری ناوخۆیی: ٪٩٩ی کارمەندانی کارگەکە ڕەگەزی ناوخۆیین.
رەخساندنی هەلی کار: ٢٥٠ هەلی کاری ڕاستەوخۆ و نزیکەی ۲۰۰ هەلی کاری ناڕاستەوخۆی بۆ هاووڵاتییان ڕەخساندووە.
لە کۆبوونەوەکەدا جەخت لەسەر گەشەپێدانی کۆمپانیا ناوخۆییەکان و پشتبەستن بە بەرهەمی نیشتمانی کرایەوە، کە ئەمەش بەشێکە لە سیاسەتی ستراتیژیی کابینەی حکوومەتی هەرێمی کوردستان بۆ بەهێزکردنی ژێرخانی ئابووری و دابینکردنی هەلی کار بۆ کارمەندانی ناوخۆ.
وەڵام بدەوه