سەرتیپ قادر، سەرپەرشتیاری دروستکردنی شەقامی 150 مەتری ھەولێر، به ماڵپەڕی فەرمیی پارتی دیموکراتی کوردستانی راگهیاندووه: "بەشی سێیەمی شەقامی 150 مهتری تەواو بووە و رێژەکە گەیشتۆتە زیاتر لە %90 و تەنھا ھەندێک وردەکاری ماوە تەواو بێت، کە لە شەقامی بەحرکە تا رێگای دھۆک دەستپێدەکات و 6.1کم دەبێت، ئێستاش دانانی ھێمای ھاتووچۆ و ھێڵکاری و پارچە پارچەی بچووک ماوە قیرتاو بکرێت، بۆیە بەشێوەیەکی گشتی ھەموو رێگا سەرەکیەکان و پردەکان و سیستەمی رووناکی و ئاوەڕۆ تەواو بووە".
سەرتیپ قادر گوتیشی: "بەشی دووەمیش لەقۆناغی کۆتایی دایە و ھەردوو بەش پێکەوە تەواودەبن و کۆتایی بەکارەکانمان دێت کە ئەویش 7.6کم دەبێت، لەرێگەی شەقڵاوە تا دەگاتە کەسنەزان، ھەروەھا بەھەر سێ بەشەوە کە تائێستا تەواو بووە 23کم دەبێت".
ئاماژهی بهوهش كرد: "تاوەکو مانگی 12ی ئەمساڵ ھەموو کارەکان بەوردەکاریەوە تەواو دەبێت و ھەردوو بەش بەڕووی شوفێران دەکرێتەوە".
وەڵام بدەوه