بە ئامادەبوونی سەرۆکی حکومەت رێوڕەسمی کۆنفرانسی تێپەڕبوونی یەک ساڵ بەسەر جێبەجێکردنی پلانی هەرێمی کوردستان بۆ مافەکانی مرۆڤ بەڕێوەدەچێت.

بە ئامادەبوونی سەرۆکی حکومەت رێوڕەسمی کۆنفرانسی تێپەڕبوونی یەک  ساڵ بەسەر جێبەجێکردنی پلانی هەرێمی کوردستان بۆ مافەکانی مرۆڤ بەڕێوەدەچێت.

ئەمڕۆ پێنجشەممە 6ی ئۆکتۆبەر، کاتژمێر 10:00 بە ئامادەبوونی مەسرور بارزانی سەرۆکی حکومەتی هەرێمی کوردستان ، رێوڕەسمی کۆنفرانسی تێپەڕبوونی یەک ساڵ بەسەر پەسەندکردن و جێبەجێکردنی پلانی هەرێمی کوردستان بۆ مافەکانی مرۆڤ بەڕێوەدەچێت.

لە 15 ـی 9 ـی 2021 حکومەت پلانی هەرێمی کوردستانی بۆ مافی مرۆڤ پەسەندکرد و، لە 31 ـی 5 ـی 2022 هەڵمەتی راگەیاندنی پلانی هەرێمی بۆ مافەکانی مرۆڤ بڵاوکرایەوە.

پلانی هەرێمی کوردستان بۆ مافەکانی مرۆڤ بە زمانەکانی کوردی و عەرەبی بەردەستە و، 46 بەڕێوەبەری گشتی بۆ جێبەجێکردنی پلانی مافی مرۆڤ دەستنیشان کراون.

حکومەتی هەرێمی کوردستان بودجەی بۆ جێبەجێ کردنی پلانەکە تەرخان کردووە و، تا ئێستا 20 وۆرکشۆپ و پانێڵ لەبارەی پلانی هەرێمی کوردستان بۆ مافی مرۆڤ سازکراون، هەروەها 21 کۆبوونەوە و دیدار لەبارەی پلانی هەرێمی کوردستان بۆ مافی مرۆڤ کراون.

پلانی هەرێمی کوردستانی بۆ مافی مرۆڤ لە 27 بەش پێکهاتووە و نەهێشتنی جیاکاری رەگەزی، توندوتیژی، سوکایەتی و مامەڵەی نامرۆڤانە دەگرێتەوە.

لەکۆی 389 راسپاردە کە ئاراستەی هەرێمی کوردستان کراون 179 جێبەجێکراون و ئێستا کار بۆ جێبەجێکردنی 210 راسپاردەی تایبەت بە پلانی مافی مرۆڤ دەکرێت.

هەرێمی کوردستان و بەریتانیا رێککەوتنیان بۆ پشتیوانی لە پلانەکە کردووە و رێکخەری راسپاردە نێودەوڵەتییەکان سەرپەرشتی پلانەکە دەکات.