سەرۆك بارزانی پێشوازی لە باڵیۆزی تورکیا لە عێراق دەکات
رۆژی سێشەممە 21ـی تشرینی یەکەمی 2025، لە پیرمام سەرۆک مسعود بارزانی پێشوازی لە بەڕێز ئانڵ بۆرا ئینان باڵیۆزی تورکیا لە عێراق کرد.
لە دیدارەکە دا کە بەڕێز ئێرمان تۆپچو کونسوڵی گشتی تورکیا لە هەولێریش ئامادەی بوو، باس لە بارودۆخی سیاسیی عێراق و ناوچەکە بە گشتیی و هەڵبژاردنی داهاتووی ئەنجوومەنی نوێنەرانی عێراق و پەیوەندی نێوان لایەنە سیاسییەکانی عێراق کرا. پەیوەست بە هەرێمی کوردستان دوا هەنگاوەکان بۆ پێکهێنانی کابینەی نوێی حکومەتی هەرێمی کوردستان و پڕۆسەی هەناردەکردنەوەی نەوتی هەرێمی کوردستان لە رێگەی بەندەری جەیهانی تورکیا خرانە بەر باس و گفتوگۆ.
پەیوەندیی نێوان تورکیا لەگەل عێراق و هەرێمی کوردستان تەوەرێکی دیکەی ئەم دیدارە بوو، هەردوولا جەختیان لە بەردەوامی و بەرەوپێشبردنی پەیوەندییەکانی نێوان هەرێمی کوردستان و کۆماری تورکیا لە هەموو بوارەکاندا کردەوە.
وەڵام بدەوه