وەزارەتی کارەبا رایدەگەیەنێت، دەستدەکەن بە چاکسازیکردن لە تۆڕەکانی کارەبا و بۆ ئەو مەبەستەش، داوایەک لە هاوڵاتییان دەکات.
وەزارەتی کارەبای حکومەتی هەرێمی کوردستان رایگەیاند، دەستدەکرێت بە چاکسازی لە تۆڕی کارەبا لە رێگەی جیاکردنەوەی لق و پۆپی ئەو دارانەی لەگەڵ تۆڕی کارەبادا تێکەڵبوون و دەبنە هۆی پچڕانی کارەبای هاوڵاتییان.
ئاماژەی بەوەشکرد، ئەم چالاکییەی وەزارەتی کارەبا و تیمەکانی پرۆژەی رووناکی، ماوەی مانگێک لە شاری هەولێر بەردەوامدەبێت و سوودی بۆ کەمکردنی پچڕانی کارەبا دەبێت کە بەهۆی تێکهەڵکێشانی لقی دارەکان و کێبڵەکانی کارەبا روودەدات.
دەشڵێت، هاوڵاتییانی هەر ناوچەیەک لە رێگەی کورتەنامەوە پێشوەختە ئاگاداردەکرێنەوە دەربارەی کاتی بەڕێوەچوونی ئەم چالاکییە.
داواش لە هاوڵاتییان دەکات، هاوکاریان بن لە رێگەی ئەم دوو هەنگاوە:
1- بۆ ئەوەی هاوڵاتییان ئاگاداری چالاکییەکانی چاکسازیی وەزارەتی کارەبا و تیمی پرۆژەی رووناکی بن، ئەوا دەتوانن خۆیان لە ماڵپەڕی پرۆژەکە تۆماربکەن یان کیو ئاڕی کۆد سکان بکەن بۆ ئەوەی کورتەنامەیان پێبگات و پێشوەختە ئاگاداربکرێنەوە.
هاوڵاتییان دەتوانن بۆ هەر موڵکێک خۆیان تۆماربکەن. واتا ئەگەر کەسێک خانوو و دوکانێکی هەبێت، پێویستدەکات هەردووکیان تۆماربکات.
2- وەزارەتی کارەبا داوای هاوکاری لە هاوڵاتییان دەکات لەوەی کە لە کاتی بەڕێوەچوونی چاکسازی لە تۆڕی کارەبا، هاوڵاتییان ئۆتۆمبێلەکانیان لەژێر دارەکان رانەگرن بۆ ئەوەی هیچ زیانێکی ماددی بە ئۆتۆمبێلەکانیان نەگات.
وەڵام بدەوه