گوتەبێژی بارەگای بارزانی: ئەوانەی سیاسەتی برسیكردنیان بەكار هێناوە، رووخاون و نەماون

گوتەبێژی بارەگای بارزانی رای گەیاند، ئەو سیستمە سیاسییانەی سیاسەتی برسیكردنیان بەكار هێنا، ڕووخان و نەمان و گۆڕینی مووچەی فەرمانبەران بۆ چەكێكی سیاسی، پێشێلكارییە.

ئەمڕۆ چوارشەم چواری حوزەیران، خالیدە خەلیل گوتەبێژی بارەگای بارزانی، لە تۆڕی كۆمەڵایەتیی ئێكس پەیامێكی بڵاو كردووەتەوە و تێیدا نووسیویەتی، گۆڕینی مووچەی فەرمانبەران بۆ چەكێكی سیاسی، پێشێلكردنی ئاشكرای مافەكانی مرۆڤە و تەنانەت تاوانێكی دژ بە مرۆڤایەتییە.

گوتەبێژی بارەگای بارزانی ئاماژەی بەوە كردووە، برسیكردن، توندترین شێوازی تیرۆرە كە هاووڵاتییانی بێتاوان بەر لە شەڕكەران دەپێكێت.

خالیدە خەلیل نووسیویەتی، وەك خۆسێ موخیكا دەڵێت: مێژوو فێرمانی  كردووە، هەر سیستمێكی ستەمكارانە كە چەكی برسێتییان بەكار هێنا، لە كۆتاییدا ڕووخان