ململانێی دوو کولتوری سیاسی جیا
لەهەر کۆمەڵگایەک هەمیشە دوو تەوژمی جیالەیەک لە ململانێی بەردەوام و ئەبەدیدان.
بەرەیەک خەمی گشتی و بەرژەوەندی نیشتیمان و نەتەوەو سەروەرکردنی یاساو رێسا کۆمەڵایەتی و شکۆی نیشتیمان و یەکڕیزی و تەبایی خستۆتە سەرووی گشت ئامانج و خواستێکەوە و ئەویتریان نان بە نرخی رۆژ دەخوات و بەردەوام لە هەوڵی تێکدانی ڕیزەکانی گەل پەرتەوازەکردنیدا بە زمانێکی بازاڕی قسەدەکات و باکی بە لێدوانەکانیەوە نیە.
یەکێک لە لێکەوتەکانی ململانێی نێوان ئەم دوو جەمسەرە لە پانتای کۆمەڵگادا، لە دایک بوونی دوو کولتورو دو جیهان بینی و دوو دیدگا و روئیای جیایە.
لەدایک بوونی ئەم دوو کولتورە سیاسیە لە کۆمەڵگایەکی وەک کوردستان، جۆرێک لە فەزای سیاسی و کۆمەڵایەتی تەحەکومی پێ دەکات، هیچ کام لە تاکەکانی جڤاک توانای ئەوەیان نیە نەکەونە ژێر کاریگەریە ئەرێنی و نەرێنیەکانیەوە و سیاسەتی خۆپارێزی بگرنەبەت.
کۆمەڵگای رۆشنبیرو هۆشیارو داناو ژیر، لە ژێر نفوزو کارتێکردنی دۆخ و پاڵەپەستۆی کارلێکی نێوان ئەم دوو تەوژمە بەردەوام لە گۆڕانکاری و جوڵە دایە. بەوەی تاکی هۆشیارو بەرپرسیار هەمیشە ئەو بەرەیە هەڵدەبژێرێ، خەمی نیشتیمان و نەتەوەو شکۆی وڵاتی لا لە هەموو شتێک بەرزو باڵاترو بەهادارتر بێ و دووربێ لە نانەوەی دووبەرەکی و تێکدانی شیرازەی خێزان و کۆمەڵگاو شێواندن و چەواشەکاری و هەلپەرەستی و نانەوەی گرژی و ئاڵۆزیەوە.
وەڵام بدەوه