سێ بانک مووچەخۆران ئاگاداردەکرێنەوە

سەرەڕای پشوو، سبەی سێ بانک بۆ دابەشکردنی مووچەی مانگی 10ی بەشێکی مووچەخۆران، دەوام دەکەن.

بانکی دەربەندیخان بڵاوی کردەوە: "ئاگاداری پێشمەرگەی لیوا هاوبەشەکان دەکەین ئەوانەی کە مووچەی مانگی 10یان وەرنەگرتووە، سبەی یەکشەممە 2024/12/29، کاتژمێر 9 تاوەکو 11 دەتوانن سەردانی بانک بکەن بۆ وەرگرتنی مووچەکانتان.

لەلایه‌كی دیکەوە هەردوو بانکی چەمچەماڵ و چەرموو لە شارى چەمچەماڵ، بڵاویان کردەوە: "سەرجەم مووچه‌خۆران ئاگادار دەکەینەوە، هەر کەسێک مووچەی وەرنەگرتووە، سبەی یەکشەممە 29ی 12ی 2024، سەردانی بانکەکانمان بکەن بە مەبەستی وەرگرتنی مووچەکانیان."

ئەو دوو بانکە جەختیان کردووەتەوە، بەشێك لە پێشمەرگەی لیواكان و ژمارەیەك لە كەسوكاری شەهیدان و ئەنفالكراوان مووچەی مانگی10یان وەرنەگرتووە.

بەپێی بڕیاری حکوومەتی هەرێمی کوردستان، لە 25ی12ی2024وە پشووی سەری ساڵه و ڕۆژی 5ی 1ی 2025 دەوامی فەرمی دەست پێدەکاتەوە.