وەزیری پەروەردەی حكومەتی هەرێمی كوردستان ئاشكرای دەكات، چەند باندێكی گزیكردن لە هەولێر و سلێمانی دەستگیركراون.
ئێوارەی دوێنێ هەینی ئالان حەمەسەعید، وەزیری پەروەردەی حکومەتی هەرێمی کوردستان وردەکاری تاقیكردنەوە گشتییەكانی پۆلی 12ی ئامادەیی بە هەموو بەشەکانییەوە بۆ ساڵی خوێندنی 2023-2024 ڕاگەیاند.
ئالان حەمەسەعید، وەزیری پەروەردەی حكومەتی هەرێمی كوردستان، ڕایگەیاند: لەمیانەی تاقیكردنەوەكانی ئەمساڵی پۆلی 12ی ئامادەیی چەند باندێكی دزیكردن لە هەولێر و سلێمانی دەستگیركراون، بەڵام بەراورد بە ساڵی ڕابردوو ئەمساڵ حاڵەتەكانی گزیكردن زۆر كەمتر بوونە و تەنیا 51 حاڵەت تۆمار كراون.
هێزە ئەمنییەكان هاوكارێكی سەرەكیی بوونە بۆ دۆزینەوە و دەستگیركردنی باندەكان و كەمبوونەوەی حاڵەتەكانی گزی. وەزیری پەروەردە وای گوت.
بۆ ڕێگریكردن لە گزی، ساڵانە لە كاتی بەڕێوەچوونی تاقیكردنەوەكانی پۆلی 12ی ئامادەیی ماوەی دوو كاتژمێر هێڵەكانی ئینتەرنێت دەوەستێنرێت.
وەڵام بدەوه