بەرپرسێكی تەندروستی رای گەیاند، لەڕێی بەدواداچوونێك 24 تاقیگەی پزیشكی داخران و 21 تاقیگەش بە توندی سزا دران، ئەوەیش بەهۆی پابەندنەبوونیان بە ڕێنوێنییەكان.
ئەمڕۆ شەممە 20ـی تەمووز، سامان سەلمان بەرپرسی راگەیاندنی تەندروستی هەولێر راگەیاند، لە ڕێی بەشی تاقیگە، دوای بەدواداچوون و گەڕان لەڕێی لیژنە و تیمەكانیان، دەستیان گرت بەسەر ژمارەیەك دەرمانی تاقیگەیی ماوەبەسەرچوو و داخستنی 24 تاقیگە كە بێ مۆڵەت كاریان كردبوو.
زیاتر گوتی، لیژنەكە لە سەردان و بەدواداچوونەكانیان، 21 تاقیگەی تایبەت كە ڕێنوێنییەكانیان جێبەجێ نەكردبوو، پێبژاردنیان بۆ كرا و سزا دران.
باسی لەوەش كرد، بەڕێوەبەرایەتیی گشتیی تەندروستی لەڕێی گشت بەشەكانەوە، بەدواداچوون بۆ هەموو ئەو شوێنانە دەكات بۆ لە نزیكەوە ئاگاداربوون لە چۆنیەتیی كاركردن و پێشكەشكردنی خزمەتگوزاریی پزیشكی تەندروستی لە نەخۆشخانە و تاقیگە و گشت سەنتەرەكان.
بۆ پاراستنی تەندروستیی هاووڵاتییان، ئێستە چاودێریی چڕی شوێنە پزیشكییەكان دەكرێت و لە ماوەی رابردووشدا چەندان شوێنی تر سزا دران.
وەڵام بدەوه