دوای قۆناغی مەراسیم و نمایش و سێڵڤی گرتنەکان، کوردستانیان چاوەروانی پێکهێنانی حکومەتێکی نیشتیمان و بەرپرسیارن
هاونیشتیمانیانی عێراقی بە گشتی و کوردستانیان بە تایبەتی بە هەڵپەوە چاوەروانی پێک هێنان و دەست بەکار بوونی حکومەتێکی نیشتیمانی و بەرپرسیارو شەفاف و کاران.
ئەشێ ساڵی رابردوو وەک قۆناغێکی سیاسی پڕ لە رووداوی سیاسی و سەربازی و راگوزەر تەماشا بکەین.
قۆناغێک، حکومەتێکی ناشەفاف و بێ هێز لە بەغدا بە هیچ پێوەرێک لە ئاست هەستیاری قۆناغەکە و بەرپرسیارەتی مێژوویی خۆیدا نەبوو.
حوکمرانیەک، نەیتوانی سەروەری خاک و ئاسمانی عێراق بە جۆرێک بپارێزێ، وڵاتانی جیران جارێکی تر زاتی ئەوە نەکەن لە رێگەی تۆپ و فرۆکەی بێ فرۆکەوانەوە سنوورەکانی ببەزێنن و خەڵکانی بێتاوان و سڤیل خەڵتانی خوێن نەکەن.
حکومەتێک، کەوا نەیتوانی لە رووی ئابوری و دارایی و خزمەتگوزاریە گشتیەکانەوە لایەک لە کێشەو موعانات و دەردەسەری و گرفتە کەڵەکەبووەکانی کۆمەڵگا چارەسەر بکات و بە سەرکەوتوویی قۆناغەکە تێپەڕێنێ و لە ئاست بەرپرسیارەتیەکانیدا بێت و هەوڵی چارەسەرکردنی پرسە هەستیارەکانی رۆژانەی ژیان و گوزەرانی هاونیشتیمانیانی بکاتە روئیا و بەرنامەیەکی نیشتیمانیەوە.
وەڵام بدەوه