Kurdistan Press - نابێت ھاوسەرگیری لەگەڵ کورد بکرێت. نابێت ھاوسەرگیری لەگەڵ کورد بکرێت. | Kurdistan Press

KurdistanPress...

CLOSE

نابێت ھاوسەرگیری لەگەڵ کورد بکرێت.

 

گوتاربێژێکی شیعە دەڵێت، بەپێی گێڕانەوەکان، پێکهێنانی ژیانی هاوژینی لەنێوان کورد و عەرەب "پەسند نییە"، چونکە هەریەکەیان خاوەنی کولتوور، سرووشت، دابونەریت و ئاکاری جیاوازن و هەربۆیە ئەو هاوژینییە بە جیابوونەوە کۆتاییدێت. دەشڵێت، بابەتەکە تەنیا پەیوەست نییە بە کوردەوە، بەڵکو هاوژینی لەگەڵ چەند نەتەوەیەکی دیکەش بە پەسند نازانرێت.

شێخ حوسێن ئەمیری، گوتاربێژی ئایینیی شیعە لە بەرنامەیەکی تەلەڤزیۆنیدا لە وەڵامی پرسیاری ئەوەی کە ئایا پێکهێنانی ژیانی هاوژینی لەگەڵ کورد گونجاوە یان نا، چونکە بەپێی هەندێک گێڕانەوە، "کورد بەشێکن لە نەتەوەی جنۆکەکان"، شێخ حوسێن گوتی، لە راستیدا چەندین جۆر لە گێڕانەوە هەن کە دەڵێن، "پەسندنییە هاوسەرگیریی لەگەڵ کورد بکرێت بەهۆی ئەوەی ئەوان نەتەوەیەکی جنۆکەکانن و پەردەیان لەسەر لادراوە". دەشڵێت، "لەلایەکی دیکەوە چەند گێڕانەوەی دیکەش هەن رێگرن لە هاوسەرگیریی کردن لەگەڵ رەشپێستەکان، بەهۆی ئەوەی دروستکراوێکی شێواون." 

ئەو کەسایەتییە ئایینییە دەڵێت، گێڕانەوەکان هۆشداریی لە پێکهێنانی ژیانی هاوژینی لەگەڵ "سیند و هیند"ـەکانیش دەدەن کە هیندستانییەکان، پاکستانییەکان، خەڵکی خوزستان و ئەو عەرەبانەی لە باشووری ئێران نیشەجێن، دەگرێتەوە. دەشڵێت، گێڕانەوەکان هەروەها باس لە ناپەسندیی هاوژینی لەگەڵ "نەبەتییەکان" ئەو هاووڵاتییانەی کە لە شوێنەکانی وەک سووریا، لوبنان، فەلەستین و هەندێکیشیان لە باشووری عێراق نیشتەجێن دەدەن، چونکە هەر یەک لەو هۆز و نەتەوانە کولتوور، سرووشت، دابونەریت و ئاکاری تایبەت بە خۆیان هەیە و گونجان لەنێوانیان روونادات.

"پارچەی ئۆتۆمبێل بۆ ئۆتۆمبێلی دیکە ناگونجێت"

شێخ حوسێن ئەمیری لە بەشێکی قسەکانیدا بۆ روونکردنەوەی ئەوەی کە گونجاو نییە هاوژینی لەنێوان خەڵکی کولتوورە جیاوازەکان بکرێت نموونەیەک دەهێنێتەوە و دەڵێت، بۆ نموونە بۆ چاککردنەوەی ئۆتۆمبێلێک ئەگەر پێویستی بە پارچە یەدەگێک هەبێت، بەشێک لە پارچە یەدەگەکە لە کارگەیەک بهێندرێت و کەرەستەیەکی دیکەشی لە کارگەیەکی جیاواز بهێندرێت و بەیەکدییەوە بلکێندرێت، رەنگە ئۆتۆمبێلەکە کار بکات، بەڵام بە باشی چاک نابێتەوە. بە پێچەوانەوە "ئەگەر بێتوو هەموو کەرەستە و پارچە یەدەگەکانمان لە بەرهەمی یەک کارگە بەکارهێنا ئەوکات هەموو پارچەکان گونجاودەبێت و هیچ کێشەیەکیان نابێت."

 

 

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه