فه‌رمانبه‌رانى فه‌رمانگه‌ى ته‌ندروستیى كه‌ربه‌لا خۆپێشاندانیان ئه‌نجام دا و ئاشكرایان كرد، له كۆى 19 هه‌زار كه‌س له فه‌رمانگه‌كه‌یان ته‌نیا دوو هه‌زار كه‌س زه‌وییان وه‌رگرتووه، ئه‌مه‌یش بۆ ئه‌وه‌ى بێده‌نگیان بكه‌ن و خۆپێشاندان نه‌كه‌ن، به‌هۆى ئه‌و كاره‌وه فه‌رمانبه‌ره خۆپێشانده‌ره‌كان، "سوودانى به پێدانى به‌رتیل تۆمه‌تبار ده‌كه‌ن".
ئه‌مڕۆ دووشه‌م، 20ى ئۆکتۆبەر، فه‌رمانبه‌رانى فه‌رمانگه‌ى ته‌ندروستیى كه‌ربه‌لا خۆپێشاندانێكیان ئه‌نجام دا، له لێدوانه‌كانیان بۆ كه‌ناڵه عێراقییه‌كان باسیان له‌وه كرد، هه‌موو فه‌رمانگه‌كانى كه‌ربه‌لا له رابردوودا زه‌وییان بۆ نیشته‌جێبوون پێ دراوه، به‌ڵام ته‌نیا ئه‌وان زه‌وییان وه‌رنه‌گرتووه، بۆیه ئه‌مڕۆ خۆپێشاندانیان كردووه و داواى مافى خۆیان ده‌كه‌ن.
یه‌كێك له فه‌رمانبه‌ره‌كان ده‌ڵێ، "له كۆى 19 هه‌زار فه‌رمانبه‌ر، ته‌نیا دوو هه‌زار كه‌س زه‌وییان پێ دراوه، ئه‌وانى تر فه‌رامۆش كراون".
فه‌رمانبه‌رێكى تر كه ئافره‌تێكە و كۆمه‌ڵێك كاغه‌زى به ده‌سته‌وه‌یە و لێدوانى بۆ كه‌ناڵى "وه‌ن نیوز" داوه ده‌ڵێ "ئه‌وه به‌ڵگه‌یه به ده‌ستمه‌وه ته‌نیا زه‌وى به كه‌سانێك دراوه و له‌سه‌رى نووسراوه بۆ ئه‌وه‌ى خۆپێشاندان نه‌كه‌ن. ئه‌مه به‌رتیله و سوودانى هه‌ڵوێستى چییه". ئه‌و ئافره‌ته كه كارمه‌ندى ته‌ندروستییه باس له‌وه ده‌كات، فه‌رمانبه‌رى وا هه‌یه 46 ساڵ خزمه‌تى هه‌یه كه‌چى زه‌ویى وه‌رنه‌گرتووه، به‌ڵام فه‌رمانبه‌رى تر كه خزمه‌تیان كه‌متره وه‌ریان گرتووه.
Hogir Nerwayi
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه