كەناڵی (ناشناڵ جیۆگرافی) لە راپۆرتێكدا كە بە زمانی ئینگلیزی لە پێگەی فەرمیی خۆی بڵاوی كردۆتەوە، ئاشكرای كردووە، مەترسی هەیە هەمان كارەساتی شاری (دورنە)ی لیبیا لە عێراقیش دووبارە ببێتەوە، بەهۆی ئەوەی مەترسیدارترین بەنداوی دونیا لە عێراقە. بەنداوی مووسڵ بە گەورەترین كۆگای ئاوی عێراق دادەنرێت و دەكەوێتە نێوان هەردوو پارێزگای دهۆك و نەینەوا، ژێرخانی بەنداوەكە (گەچ)ە و بەردەوام باس لەوە دەكرێت كە چەند درزێك لە پەیكەرەكەیدا دروست بووە و مەترسیی داڕمانی هەیە.
ساڵی 2016، باڵوێزخانەی ئەمریكا لە بەغدا هۆشداری بە هاووڵاتییانی ئەمریكی دا و داوای لێ كردن عێراق بەجێ بهێڵن، بەهۆی مەترسیی ڕوودانی كارەساتی هەرەسهێنانی بەنداوی مووسڵ.
لە ساڵانی دوای 2016ەوە، حكوومەتی ئیتاڵیا بەردەوام هاوكاریی حكوومەتی فیدڕاڵی دەكات لە چاككردنەوەی بەنداوی مووسڵ تاوەكوو ژێرخانی بەنداوەكە لە هەرەسهێنان ڕزگار بكرێت، بەڵام بەپێی راپۆرتی كەناڵەكە، ”هێشتا مەترسیی داڕمانی بەنداوی مووسڵ هەیە.“
كەناڵەكە ئەوەشی ئاشكرا كردووە، شارەزایان پێیان وایە، هەرەسهێنانی بەنداوی مووسڵ دەبێتە هۆی مردنی زیاتر لە ملیۆنێك و 500 هەزار كەس لەوانەی لە نزیك لێوارەكانی ڕووباری دیجلە دەژین، ئەویش لە حاڵەتێك ئەگەر لە ماوەی سێ تا چوار كاتژمێردا نەتواندرێت ڕێڕەوی لافاو چۆڵ بكرێت، هەر بەم هۆیەوە شاری مووسڵی سەنتەری پارێزگای نەینەوا بە تەواوی و بە بەرزیی 21 مەتر ژێرئاو دەكەوێت، شەپۆلی ئاویش تاوەكوو 280 كیلۆمەتر بە ئاراستەی باشوور و بە درێژایی ڕووباری دیجلە درێژ دەبێتەوە. هەر بە گوێرەی ئەو راپۆرتە، لە حاڵەتی هەرەسهێنانی بەنداوی مووسڵ، هەزاران شوێنەوار لەناو دەچن. لەمبارەیەشەوە مایكل دانتی، مامۆستای شوێنەوار لە زانكۆی (بۆستن) بە كەناڵەكەی گوتووە: ”قورسە پێشبینییەكی تر هەبێت، تەنیا پێشبینییەكە ئەوەیە كە هەزاران شوێنەوار و پێگەی كۆن بەیەكجاری.
وەڵام بدەوه