بانکی ناوەندی هاتە دەنگ

بانکی ناوەندی لەبارەی پێدانی دۆلار بە 132 هەزار دینار روونكردنەوە دەدات
بانکی ناوەندیی عێراق ئاشكرای دەكات، هەموو ئەو بازرگانانەی پێش7ی10 مامەڵەكانیان پێشكەش كردبوو دۆلاریان بە 132 هەزار دینار پێ دراوە. جەختیش دەكاتەوە ئەوەی پێی نەدراوە دەتوانێت سكاڵا تۆمار بكات.
بانکی ناوەندیی عێراق ڕایگەیاند، سەرجەم داواکارییەکانی گواستنەوەی پارە بۆ مەبەستی هاوردەکردن کە پێش گۆڕینی نرخی دۆلار لە 7/10/2026 ڕاگیرابوون و مەرجەکانیان تەواو بووە، جێبەجێ کراون.
بانکی ناوەندی داوا لە بازرگان و کۆمپانیاکان دەکات سەردانی بانکەکانیان بکەن بۆ دڵنیابوونەوە لە جێبەجێکردنی گواستنەوە دەرەکییەکانیان.
 ئاماژەی بەوەدا:" لە ئەگەری دواکەوتنی هەر گواستنەوەیەک بەبێ پاساو، یان داواکردنی بڕە پارەی زیادە لە دەرەوەی ڕێنماییەکان، دەتوانن لە ڕێگەی پلاتفۆرمی سکاڵای ئەلیکترۆنی بانکی ناوەندییەوە سکاڵا تۆمار بکەن، بانکیش ڕێکاری پێویست لە بەرامبەر بانکە سەرپێچییکارەکان دەگرێتەبەر."
بانکی ناوەندی جەختی کردەوە کە بەردەوام دەبێت لە چاودێریکردنی پابەندبوونی بانکەکان و دڵنیایی بە بازرگانان و هاوڵاتییان دەدات کە :"تەمویلکردنی هاوردەکان بە شێوەیەکی ڕێکخراو بەردەوام دەبێت و دراوی بیانی لە ڕێگەی بانکەکانەوە دابین دەکرێت بۆ دابینکردنی پێداویستی بازاڕ."
پێش 7ی10ی2026 و لەرێگەی بانكی ناوەندی  و بەنرخی فەرمی هەر 100 دۆلار بە 132 هەزار دینار دەدرایە بازرگانان بۆ هێنانی خۆراك و كاڵا.بەلام ئێستا هەر100 دۆلارێك بە 152 هەزار دینار دەدرێت.