مه نێردەی نەتەوە یەكگرتووەكان لە عێراق (یۆنامی) لە دژی هێرشە مووشەكییەكانی ئەمڕۆی ئێران بۆ سەر ناوچە جیاجیاكانی هەرێمی كوردستان هاتە دەنگ و سەركۆنەی كرد.
لە راگەیاندراوێكدا كە لە پێگەی فەرمیی خۆی بڵاوی كردۆتەوە، رای گەیاندووە: ”ئێمە ئیدانەی هێرشە مووشەکی و دڕۆنییەکانی سەر هەرێمی کوردستان دەکەین کە پێشێلکردنی سەروەریی عێراقە.“
جەختیشی كردۆتەوە، نابێ عێراق بۆ یەکلاکردنەوەی کێشەکان بەکار بێت و دەبێت رێز لە یەکپارچەییشی بگیرێت.
هاوكات ئاماژەی بەوە داوە كە ”گفتوگۆ لە نێوان عێراق و ئێراندا سەبارەت بە پرسە ئاسایشییە دوولایەنییەکان تاکە ڕێگەی بەرەوپێشچوونە.“
ئەمە لە كاتێكدایە كە بەیانیی ئەمڕۆ جارێكی دیكە ئێران لە ڕێگەی مووشەك و درۆنەوە هێرشی كردە سەر قەڵای دیموكرات لە كۆیە و بنكە و بارەگاكانی كۆمەڵە لە زڕگوێزی سلێمانی و چەند ناوچەیەكی سنووریی.
وەڵام بدەوه