کێشە کەوتە نێوان ئەمریکا و ئیسرائیل

جەی دیڤانس و بەرەکەی دەبێت واشنتن تەنیا بەپێی بەرژەوەندییەکانی ئەمریکا هەنگاو بنێت. 
کەمتر لە هەفتەیەک پێش بەڕێوەچوونی هەڵبژاردنەکانی ئیسرائیل، کۆشکی سپی تووشی دابەشبوونێکی بێوێنە بووە؛ جیاوازیی قووڵی نێوان دۆناڵد ترەمپ و جەی دی ڤانسی جێگری لەسەر پرسی پاڵپشتیکردنی بنیامین نەتانیاهۆ، هەڵوێستی فەرمیی واشنتنی بە تەواوی ئاڵۆز کردووە.
ترەمپ دوای ماوەیەک بێدەنگی، بە ئاشکرا پشتیوانیی لە نەتانیاهۆ کرد و بە "جەنگاوەر" ناوی برد، بەڵام جەی دی ڤانس پێداگری دەکات کە پێویستە سەرنجی واشنتن لەسەر هەڵبژاردنەکانی نیوەی خولی ئەمریکا بێت، نەک خەرجکردنی باجی سیاسی بۆ نەتانیاهۆ.
ئەم ناکۆکییە ناوخۆیییە پەیوەستە بە دەستپێکردنەوەی ئۆپەراسیۆنە سەربازییەکان دژی ئێران؛ چونکە نزیکەکانی ترەمپ نەتانیاهۆ بە هاوبەشێکی گرنگ بۆ لێدان لە تاران دەزانن، بەڵام بەرەی جێگری سەرۆک جەخت دەکەنەوە کە دەبێت واشنتن تەنیا بەپێی بەرژەوەندییەکانی ئەمریکا هەنگاو بنێت.