ترەمپ ئەمریکا دژی دروستکردنی دامەزراوەی ئەتۆمیی مەدەنی نییە

​دۆناڵد ترەمپ ڕایدەگەیەنێت، پەسەندکردنی ڕێککەوتنی ئەتۆمیی مەدەنی لە نێوان ئەمریکا و سعوودیە گرێ دراوە بە بەشداریکردنی ڕیاز لە ڕێککەوتننامەکانی ئیبراهیم، هاوکات جەخت دەکاتەوە کە ئەمریکا دژی دروستکردنی دامەزراوەی ئەتۆمیی مەدەنی نییە کە بۆ مەبەستی ئاشتییانە و بێ پیتاندن بێت.
​ئەمڕۆ پێنجشەممە، 23ـی 7ـی 2026، میدیاکان بڵاویانکردەوە، دۆناڵد ترەمپ لە هەژماری تایبەتیی خۆی لە تۆڕی کۆمەڵایەتیی (ترووس سۆشیاڵ) پەیامێکی بڵاوکردووەتەوە و تێیدا ئاماژەی بەوە کردووە کە ڕێککەوتنی ئەتۆمیی مەدەنی لە نێوان وەزارەتی وزەی ئەمریکا و سعوودیە پەسەند دەکرێت، بەو مەرجەی هیچ پیتاندنێکی ماددەکان لەخۆ نەگرێت.
​ئاماژەی بەوەش کردووە، ئەو ڕێککەوتنە تەنیا بۆ مەبەستی بەکارهێنانی مەدەنییە و هاوشێوەی ئەو بەرنامانەیە کە ئیمارات و چەند وڵاتێکی دیکە هەیانە، بەڵام جێبەجێکردنی بەتەواوی بەستراوەتەوە بەوەی کە سعوودیە بچێتە پاڵ ڕێککەوتننامەکانی ئیبراهیمەوە و بەشدار بێت تێیدا.
​لە کۆتایی پەیامەکەیدا ترەمپ ڕوونیکردووەتەوە کە ویلایەتە یەکگرتووەکانی ئەمریکا دژی دامەزراوەی ئەتۆمیی مەدەنی نییە کە پرۆسەی پیتاندنی تێدا ئەنجام نەدرێت.
 لە بەرامبەریشدا تا ئێستا هیچ وتەبێژێکی فەرمی لە وەزارەتی وزەی ئەمریکا یان حکوومەتی سعوودیە ڕوونکردنەوەی زیاتریان لەسەر ئەم پرسە نەداوە.