چین و ڕووسیا ڤیتۆیان کرد

​ڕووسیا و چین لە ئەنجوومەنی ئاسایشی نێودەوڵەتی، ڤێتۆی پڕۆژەبڕیارێکیان کرد کە ئامانج لێی کردنەوەی گەرووی هورمز و پاراستنی کەشتیوانیی بازرگانی بوو، ئەمەش لە کاتێکدایە کە مۆڵەتەکەی ئەمریکا بۆ ڕێککەوتن لەگەڵ ئێران بەرەو کۆتایی دەچێت.
​ئەمڕۆ سێشەممە ٧ی نیسانی ٢٠٢٦، لە پرۆسەی دەنگدانێکدا لە ئەنجوومەنی ئاسایشی نەتەوە یەکگرتووەکان، هەریەک لە چین و ڕووسیا مافی ڤێتۆیان دژی پڕۆژەبڕیارێکی وڵاتی بەحرەین بەکارهێنا.
​پڕۆژەبڕیارەکە هانی وڵاتانی دەدا کە هەوڵەکانیان یەکبخەن و هەماهەنگی بکەن بۆ پاراستنی کەشتیوانیی بازرگانی لە گەرووی هورمز و کردنەوەی گەرووەکە بە ڕووی بازرگانیی نێودەوڵەتیدا.
​بەکارهێنانی ئەم ڤێتۆیە لەلایەن مۆسکۆ و پەکینەوە، هاوکاتە لەگەڵ نزیکبوونەوەی کۆتاییهاتنی ئەو مۆڵەتەی کە لەلایەن ویلایەتە یەکگرتووەکانی ئەمریکاوە بۆ ئێران دیاری کراوە، بە مەبەستی گەیشتن بە ڕێککەوتنێک بۆ کۆتاییهێنان بە قەیرانەکان و ڕاگرتنی جەنگ.