پلانی کۆتایی جەنگ راگەیاندرا

ڕێککەوتن نزیکە، پلانی کۆتایی جەنگ راگەیاندرا. سەرچاوەیەك ئەمڕۆ دووشەم ئاشكرای كرد، هەریەك لە ویلایەتە یەكگرتووەكانی ئەمەریكا و كۆماری ئیسلامیی ئێران، پلانی ڕاگرتنی جەنگیان لەلایەن پاكستانەوە پێدراوە كە خۆی لە وەستاندنی كاتی جەنگ و دووبارەكردنەوەی گەرووی هورمز دەبینێتەوە.
سەرچاوەیەك لەوبارەیەوە ئاشكرای كرد، پاكستان چوارچێوەیەكی كۆتاهێنان بە جەنگی ئامادەكردووە و شەو ڕادەستی تاران و واشنتنی كردووە، كە خۆی لە ڕاگرتنی دەستبەجێ و ڕاستەوخۆی جەنگ دەبینێتەوە.
ئاماژەی بەوەیش دا كە سوپاسالاری پاكستان لەگەڵ جەی دی ڤانسی جێگری سەرۆكی ئەمەریكا و ستیڤ ویتكۆفی نێردەی كۆشكی سپی و عەباس عێراقچی وەزیری دەرەوەی ئێران قسەی كردووە، پاكستان تاكە وڵاتە كە گفتوگۆ و بۆچوونەكانی ئەمەریكا و ئێران بەیەكتر دەگەیەنێت، ئەو یاداشتەی پاكستانیش ئامادەی كردووە بە هەردوو وڵاتەكە گەیەنراوە.
لەبارەی ناوەڕۆكی پێشنیازەكانیش بریتییە لە دەسبەرداربوونی یەكجارەكی ئێران لە چەكی ئەتۆمی و هەڵگرتنی سزاكان و ئازادكردنی پارە و سامانە بلۆككراوەكانی لە وڵاتانی دەرەوە، ئەگەر ئەو پلانەی پاكستان سەركەوتوو بێ و هەردوولا پێی ڕازی ببن، ئەوا دەستبەجێ وەستانی جەنگی لێ دەكەوێتەوە، گەرووی هورمز دەكرێتەوە و لە ماوەی 15 تا 20 ڕۆژ هەردوولا دەگەن بە ڕێككەوتنی كۆتایی.