به‌رپرسێكی ئه‌مریكی به‌ره‌به‌یانی ئه‌مڕۆ هه‌ینی ڕایگه‌یاند، سوپای ئه‌مریكا هێرشێكی نوێی ئه‌نجامداوه و به‌گوێره‌ی ئه‌و به‌رپرسه كه "گومانی قاچاخی مادده هۆشبه‌ره‌كان له كه‌ناراوه‌كانی كاریبی" كردوه‌ته ئامانج، ئه‌وه‌ش پشتڕاستیكردوه‌ته‌وه كه له‌ناو تیمی كه‌شتییه‌كه‌دا ڕزگاربو هه‌بوه.
ئاژانسی ڕۆیته‌رز له زاری ئه‌و به‌رپرسه‌ی ئه‌مریكاوه كه نه‌یویست ناوی ئاشكرا بكرێت بڵاویكرده‌وه، "هیچ ورده‌كارییه‌كی زیاده له‌باره‌ی ڕوداوه‌كه نییه، كه پێشتر ڕاگه‌یه‌ندراو نه‌بوه".
وه‌زاره‌تی به‌رگری ئه‌مریكا تا ئێستا هیچ لێدوانێكی ده‌ستبه‌جێی سه‌باره‌ت به‌و ڕوداوه بڵاونه‌كردوه‌ته‌وه.
پێشتریش دۆناڵد تره‌مپ سه‌رۆكی ئه‌مریكا دوپاتیكرده‌وه، ڕه‌زامه‌ندی له‌سه‌ر "ئۆپه‌راسیۆنه نهێنییه‌كانی" CIA له‌ناوخۆی ڤه‌نزوێلادا داوه، ئه‌مه‌ش ئاماژه‌یه بۆ ئه‌وه‌ی بیر له‌وه ده‌كاته‌وه هێرش ئه‌نجامبدات و بانده‌كانی مادده هۆشبه‌ره‌كان بكاته ئامانج.
تره‌مپ له میانی وتارێكیدا له ئۆفیسی ئۆڤاڵ ڕایگه‌یاند، ئه‌مریكا "له سه‌ر زه‌ویدا سه‌یری بژارده‌كان ده‌كات له‌كاتێكدا بیر له ده‌ستپێكردنی هێرشی زیاتر له ناوچه‌كه (له ڤه‌نزوێلا) ده‌كاته‌وه".
ئه‌وه‌شیخسته‌ڕو، فشارخستنه سه‌ر نیكۆلاس مادۆرۆ سه‌رۆكی ڤه‌نزوێلا كه واشنتن و چه‌ند وڵاتێكی دیكه وه‌ك سه‌ركرده‌ی شه‌رعی ڤه‌نزوێلا نایناسن، به‌شێكه له سیاسه‌تی واشنتن بۆ ڕوبه‌ڕوبونه‌وه‌ی ڕژێمی ناشه‌رعی له كاراكاس.
به‌پێی زانیارییه‌كان، له چه‌ند هه‌فته‌ی ڕابردودا هێزه‌كانی ئه‌مریكا لانیكه‌م پێنج جار هێرشیان كردوه‌ته سه‌ر ئه‌و به‌له‌مانه‌ی كه گومانی هه‌ڵگرتنی ماده‌ی هۆشبه‌ریان له‌سه‌ره له كه‌ناره‌كانی كاریبی و به‌هۆیه‌وه 27 كه‌س كوژراون.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه