ئەمڕۆ هەینی، 8ی ئابی 2025، ئەرمینیا و ئازەربایجان، پەیاننامەی ئاشتییان بە نێوەندگیریی ئەمریكا و بە بەشداریی دۆناڵد ترەمپ، سەرۆكی ویلایەتە یەكگرتووەكان واژۆ كرد.
ترەمپ لە ڕێوڕەسمەكەدا گوتی: پاش 35 ساڵ لە شەڕ و ناكۆكی، هەردوولا هاوڕێن و بەڵێنیان داوە ئاشتییەكی بەردەوام و تاهەتایی لەنێوانیاندا بێت.
گوتیشی: بەپێی ڕێككەوتنی نێوانیان كە ئاشتی هاتووەتە كایەوە، كاری هاوبەش و هاوكاریی یەكدی دەكەن.
ئاماژەی بەوەش دا، ئەمریكا ڕێككەوتنی جۆراوجۆری هاوكاری لەگەڵ هەریەك لە ئەرمینیا و ئازەربایجان دەبەستێ.
ئیلهام عەلییێڤ، سەرۆكی ئازەربایجان گوتی: لەمیانی ڕێككەوتنی ئاشتی لەگەڵ ئەرمینیا، نەخشەڕێگەی هاوكاری و هاوبەشیی ستراتیجی لەگەڵ واشنتن دادەڕێژین.
نیكۆڵ باشینیان، سەرۆكوەزیرانی ئەرمینیا لەمبارەیەوە گوتی: ڕێككەوتنی ئاشتی لەگەڵ ئازەربایجان زۆر نایابە، هەلی زۆر باش بۆ هاوكاری و پەیوەندیی بەهێز دەڕەخسێنێت.
دەشڵێ: ئەم قۆناغە نوێیە دەبێتە هۆی ئەوەی ڕێز لە ئاشتی و خاكی یەكتر بگرین.
وەڵام بدەوه