وەزارەتی خەزێنەی ئەمریکا ئەمڕۆ چوارشەممە سزای نوێی بەسەر زیاتر لە ١١٥ کەس و قەوارە و کەشتیی پەیوەندیدار بە ئێران ڕاگەیاند، ئەمەش ئاماژەی ئەوەیە کە ئیدارەی ترەمپ هەڵمەتی "ئەوپەڕی فشار"ی خۆی چڕتر دەکاتەوە دوای بۆردومانکردنی شوێنە ئەتۆمییە سەرەکییەکانی ئێران لە مانگی حوزەیران.
گەمارۆکان بە گشتی بەرژەوەندییەکانی کەشتیوانیی محەمەد حسێن شەمخانی، کوڕەگەورەی عەلی شەمخانی، ڕاوێژکاری عەلی خامنەیی ڕێبەری شۆڕشی ئیسلامی ئێران دەکەنە ئامانج.
گەنجینەی ئەمریکا ئەم هەنگاوەی بە گرنگترین هەنگاوی سزاکانی پەیوەست بە ئێران لە ساڵی ٢٠١٨ەوە وەسف کرد، کە لە ماوەی یەکەم خولی سەرۆکایەتیی ترەمپدا بوو.
بەپێی ئامارەکانی وەزارەتی گەنجینەی ئەمریکا، شەمخانی تۆڕێکی بەرفراوانی کەشتیی کۆنتێنەر و تانکەر لە ڕێگەی تۆڕێکی ئاڵۆز کۆنترۆڵ دەکات کە باری نەوتی ئێران و ڕووسیا و کاڵای دیکە لە سەرانسەری جیهاندا دەفرۆشن.
وەزارەتەکە شەمخانی بەوە تۆمەتبار کردووە کە پەیوەندییە شەخسییەکانی خۆی و گەندەڵیەکانی لە تاران بۆ قازانجکردنی دەیان ملیار دۆلار کە بەشێکی زۆری بۆ پشتیوانی لە ڕژێمی ئێران بەکار دەهێنرێت، تۆمەتبار دەکات. بە گشتی سزا نوێیەکان ١٥ کۆمپانیای کەشتیوانی و ٥٢ کەشتی و ١٢ کەسی و ٥٣ لایەنی بەشداربوو لە خۆدزینەوە لە سزاکان لە ١٧ وڵاتدا دەکاتە ئامانج، لە پەنەما و ئیتاڵیا تا هۆنگ کۆنگ.
وەڵام بدەوه