کۆشکی سپی ڕایگەیاند، دۆناڵد ترەمپ، سەرۆکی ئەمەریکا شۆک بووە لە بۆردومانەکەی ئیسرائیل بۆ سەر سووریا.
کارۆلین لیڤیت، گوتەبێژی کۆشکی سپی ڕایگەیاند، سەرۆک ترەمپ شۆک بووە لە بۆردومانەکەی ئیسرائیل بۆ سەر سووریا، ئاماژەی بەوەش کرد، مارکۆ ڕوبیۆ، وەزیری دەرەوەی ئەمەریکا ڕۆڵی هەبووە لە ئاسایی کردنەوەی دۆخەکە.
کارۆلین گوتیشی: ترەمپ پەیوەندییەکی کاری باشی لەگەڵ بنیامین ناتانیاهۆ، سەرۆک وەزیرانی ئیسرائیل هەیە و بەردەوام لە پەیوەندیدایە، بەڵام بە بۆردومانکردنی سووریا و بۆمبارانکردنی کەنیسەیەکی کاسۆلیکی لە غەززە شۆک بووە.
ئاماژەی بەوەش کرد، "لە هەردوو ڕووداوەکەدا ترەمپ بە خێرایی پەیوەندی بە سەرۆک وەزیرانی ئیسرائیلەوە کرد، بۆ ئەوەی دۆخەکە چاکبکاتەوە، ڕوبیۆ وەزیری دەرەوە دەستوەردانی لە سووریا کرد و دۆخەکەی لەوێ ئاسایی کردەوە".
لای خۆیەوە، تۆم باراک، نوێنەری ئەمەریکا لە سووریا ڕەخنەی لە دەستێوەردانی ئیسرائیل لە سووریا گرت و ڕایگەیاند، لە کاتێکی زۆر خراپدا هاتووە.
لە چاوپێکەوتنێکی تایبەتدا لەگەڵ ئاژانسی ئەسۆشێتد پرێس، تۆم باراک پشتیوانی تەواوی واشنتنی بۆ حکوومەتی نوێی سووریا دووپاتکردەوە و جەختی لەوە کردەوە کە "هیچ پلانێکی بەدیل" نییە جگە لە هاوکاریکردن لەگەڵ دەسەڵاتدارانی ئێستا بۆ یەکخستنی وڵاتەکە.
وەڵام بدەوه